Հայաստանը պատասխանատու է բանակցությունների համար այնքան ժամանակ, քանի դեռ Բաքուն Ղարաբաղը չի ճանաչել որպես բանակցային գործընթացի կողմ20 նոյեմբերի 2007 - 15:59 AMT PanARMENIAN.Net - Հայաստանի մասնակցությունը Լեռնային Ղարաբաղի հակամարտության կարգավորման հարցով բանակցային գործընթացում սխալ չի հանդիսանում, հայտարարել է ՀՀ արտգործնախարար Վարդան Օսկանյանը Հայաստանի Հանրային հեռուստաընկերությանը: Նրա խոսքերով, Հայաստանը պատասխանատու է բանակցությունների համար այնքան ժամանակ, քանի դեռ Բաքուն Ղարաբաղը չի ճանաչել որպես բանակցային գործընթացի կողմ: Հայաստանի արտաքին քաղաքականության գերատեսչության ղեկավարի խոսքերով, Ղարաբաղի հարցով վերջնական փաստաթուղթը չի կարող օրինական համարվել այնքան ժամանակ, քանի դեռ դրա տակ չկա պաշտոնական Ստեփանակերտի ստորագրությունը: «Չի կարող երկու կարծիք լինել. դա Ադրբեջանի եւ Ղարաբաղի խնդիրն է, իսկ Հայաստանը որոշակի պատասխանատվություն է վերցրել Լեռնային Ղարաբաղի անունից բանակցություններ վարելու հարցում, քանի որ Բաքուն չի ճանաչում բանակցություններին ղարաբաղյան կողմի մասնակցության իրավունքը»,- նշել է Վ. Օսկանյանը` հավելելով, որ անընդունելի է համարում հայկական ընդդիմության այն մեղադրանքները, որ դա մեծ սխալ է Հայաստանի արտաքին քաղաքականությունում:«Եթե ընդդիմությունը մեղադրենքներ է հնչեցնում, որ Հայաստանի մասնակցությունը բանակցություններին մեծ սխալ է արտաքին քաղաքականությունում, ապա ցանկանում եմ հիշեցնել, որ այդ «սխալը», չնայած ես այդպես չեմ համարում, իր սկիզբն առնում է 1996-1997 թվականներին, քանի որ ողջ 1996 թվականի ընթացքում նախագաի խորհրդականները ակտիվ բանակցություններ էին վարում առանց Լեռնային Ղարաբաղի մասնակցության»,- ասել է Օսկանյանը: Նա նշել է, որ դա սխալ չի համարում, քանի որ Ղարաբաղը չի գտնվում բանակցային գործընթացից դուրս: «Չի եղել դեպք, որպեսզի ԵԱՀԿ Մինսկի խմբի համանախագահները այցելեն Ստեփանակերտ կամ Երեւան ԼՂՀ իշխանությունների հետ հանդիպելու համար»,- ընդգծել է ՀՀ ԱԳՆ ղեկավարը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |