Երեւանում անկարգությունների արդյունքում տուժել է 217 մարդ, նրանց մեծամասնությունը զինվորականներ 5 մարտի 2008 - 18:09 AMT PanARMENIAN.Net - Երեւանում մարտի 1-2 անկարգություններին մասնակցելու կասկածանքով մարտի 1-5 տարբեր ոստիկանական վարչություններ բերման են ենթարկվել 326 մարդ, որոնցից 177-ը մայրաքաղաքում, 155-ը` հանրապետության տարբեր շրջաններում: Ոստիկանության կողմից ձերբակալվածների թվաքանակը հասել է 30 մարդու, Ազգային անվտանգության ծառայության կողմից ձերբակալվել է 16 մարդ: Անկարգությունների արդյունքում տարբեր բժշկական կենտրոններ են բերվել 217 մարդ, որոնցից 41-ը սովորական քաղաքացիներ, 43-ը` ոստիկանության աշխատակիցներ եւ 133-ը` զինծառայողներ, ընդ որում 18-20 տարեկան հասակի: Անկարգությունների արդյունքում հրդեհվել է 26 մարդատար մեքենա, 6 ավտոբուս, 3 տրոլեյբուս: Դեպքի վայրից ոստիկանության աշխատակիցները առգրավել են մեծ քանակությամբ զենք-զինամթերք: Այդ մասին այսօր մամլո ասուլիսի ժամանակ հայտարարել է Հայաստանի Ոստիկանության ղեկավար, փոխգնդապետ Սայաթ Շիրինյանը: Նա նշել է, որ քննությունը շարունակվում է, իսկ օպերատիվ դրությունը մայրաքաղաքում լիովին վերահսկվում է:«Երեւանում տեղի ունեցած անկարգություններն արդարացում չունեն: Ոստիկանության Զինված ուժերը արել են ամեն ինչ, որպեսզի խնդիրը խաղաղ ճանապարհով կարգավորվի, չթափելով մեր հայրենակիցների արյունը: Բարդ է գիտակցել, որ անկարգությունների արդյունքում 8 մարդ է զոհվել, ընդ որում զոհվել են ոչ թե պատերազմի ժամանակ, այլ անկարգությունների ընթացքում, որոնք կազմակերպել էին հենց մեր հայրենակիցները եւ քաղաքացիները»,- հայտարարել է Ոստիկանության Զինված ուժերի հրամանատար, Ոստիկանության ղեկավարի տեղակալ, գեներալ-լեյտենանտ Գրիգոր Գրիգորյանը: «Մենք պետք է հպարտանանք մեր այն քաղաքացիներով, ովքեր, չխախտելով երդումը, պաշտպանում էին իրենց երկիրը եւ արեցին ամեն ինչ իրենց քաղաքացիների անվտանգությունն ապահովելու համար»,- ամփոփել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |