Ղարաբաղյան բանաձեւին «կողմ» քվեարկած ՄԱԿ-ի անդամ-երկրները, փաստորեն, «դեմ» են քվեարկել բանակցային ընթացքին29 մարտի 2008 - 14:33 AMT PanARMENIAN.Net - Մարտի 28-ին Մոսկվայում տեղի ունեցավ ԱՊՀ մասնակից պետությունների արտաքին գործերի նախարարների խորհրդի հերթական նիստը, որի աշխատանքներին մասնակցում էր ՀՀ ԱԳ նախարար Վարդան Օսկանյանը, հաղորդում է ՀՀ ԱԳՆ մամլո ծառայությունը: Նիստի ընթացքում քննարկվել են ԱՊՀ հետագա զարգացմանը միտված ԱՊՀ մասնակից պետությունների բազմակողմ համագործակցության վերաբերյալ մի շարք խնդիրներ, մասնավորապես` համագործակցությունը հումանիտար, միգրացիայի, ինֆորմացիոն անվտանգության ապահովման, հանցագործության եւ թմրանյութերի անօրինական շրջանառության դեմ պայքարի բնագավառներում: Նիստի ընթացքում ԱՊՀ մասնակից պետությունների արտաքին գործերի նախարարները հաստատեցին «1941-1945թթ. Հայրենական մեծ պատերազմում հաղթանակի 65-ամյակի տոնակատարություններին նվիրված միջոցառումների ծրագիրը»: Ընդունվեց ս.թ. մայիսի 23-ին Մոսկվայում կայանալիք ԱՊՀ մասնակից պետությունների կառավարությունների ղեկավարների խորհրդի նիստի օրակարգը եւ որոշվեց, որ ԱՊՀ ԱԳ նախարարների խորհրդի հաջորդ նիստը տեղի կունենա սույն թվականի սեպտեմբերի 25-ին Բիշքեկում: Նույն օրը կայացավ Հավաքական անվտանգության պայմանագրի կազմակերպության (ՀԱՊԿ) Արտաքին գործերի նախարարների խորհրդի (ԱԳՆԽ) ոչ ֆորմալ նիստը: Հանդիպման ընթացքում քննարկվել է արտաքին քաղաքականության բնագավառում ՀԱՊԿ անդամ պետությունների գործունեության համադրման մեխանիզմի կատարելագործման հարցը: ԱԳ նախարարները քննարկեցին ՀԱՊԿ պատասխանատվության շրջանակներում ռազմաքաղաքական իրավիճակի զարգացման, ՄԱԿ-ի, ԵԱՀԿ-ի եւ անվտանգության ոլորտի տարածաշրջանային այլ կազմակերպությունների հետ ՀԱՊԿ համագործակցության վերաբերյալ մի շարք հարցեր: Այս առումով առանձին քննարկման առարկա դարձավ միջազգային կազմակերպություններում որոշ հարցերի շուրջ ՀԱՊԿ անդամ երկրների հաճախ հակադիր դիրքորոշումների խնդիրը: Այդ հարցի հետ կապված իր ելույթում Հայաստանի ԱԳ նախարարն անդրադարձել է վերջերս ՄԱԿ-ի ԳԱ-ի նիստին ընդունված ադրբեջանական կողմից առաջարկված բանաձեւին: Նա մասնավորապես նշել է, որ թեեւ այդ բանաձեւը իրավական ուժ չունի, նման միակողմանի բանաձեւ անցկացնելով` ադրբեջանական կողմը նպատակ է հետապնդում հրաժարվել ներկայումս բանակցային սեղանի վրա գտնվող փաստաթղթից եւ երկրորդը` հարցը տեղափոխել Մինսկի խմբի շրջանակներից ՄԱԿ, ինչը լուրջ վտանգի տակ կդնի բանակցային գործընթացի շարունակությունը: Այդ առումով, Հայաստանի համար մտահոգիչ է այն, որ Կազմակերպությունը չկարողացավ հանդես գալ միասնական դիրքորոշումով: Նախարարը նշեց, որ այդ բանաձեւին «կողմ» քվեարկած երկրները, փաստորեն, «դեմ» են քվեարկել բանակցային ընթացքին: Ելույթի վերջում նախարար Օսկանյանը հույս հայտնեց, որ այսուհետ ՀԱՊԿ-ի շրջանակներում կազմակերպության անդամ երկրների կողմից համերաշխության սկզբունքը կհարգվի: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |