  Հայաստանը պատրաստ է ետ մղել ցանկացած ագրեսիա, որտեղից էլ այն սպառնա 8 մայիսի 2009 - 16:12 AMT PanARMENIAN.Net - «Թող ադրբեջանցիները չաղմկեն եւ չսպառնան մեզ»,-մամլո ասուլիսում հայտարարել է Հայաստանի նախագահի նախկին խորհրդական, գլխավոր զինվորական տեսուչ, գեներալ-գնդապետ Գուրգեն Դալիբալթայանը: Ըստ նրա, հայկական կողմը ժամանակին չկարողացավ ավարտին հասցնել բոլոր գործողությունները: «Օրինակ, օպերացիաներից մեկի պլանը մինչ օրս դրված է իմ սեղանի վրա, եւ եթե հանկարծ Ադրբեջանն որոշի նոր պատերազմ սկսել, դա առիթ կհանդիսանա ամեն ինչ ավարտին հասցնելու եւ մեր ժողովրդի անվտանգությունն ապահովելու համար»,-ասել է նա: «Մենք պատրաստ ենք ետ մղել ցանկացած ագրեսիա, որ կողմից էլ այն սպառնա»,-ասել է Գուրգեն Դալիբալթայանը: «Ես ուշադիր հետեւում եմ Ադրբեջանի Զինված ուժերի վիճակին, եւ թե ինչպես են նրանք պատրաստվում ապագա մարտական գործողություններին»,-ասել է նա` հավելելով, որ «մեր ԶՈՒ-ի պատրաստվածության համեմատ նրանք թույլ են, ես տեսել եմ թե ինչպես են իրենք կռվում եւ չեմ կարծում, թե այժմ ինչ-որ բան փոխվել է»: Անդրադառնալով հայ-թուրքական հարաբերություններին եւ յոթ շրջանների հարցին` Գուրգեն Դալիբալթայանն ասել է. «Ես զինվորական եմ, ոչ մի զինվորական չի համաձայնվի հողը վերադարձնել թշնամուն: Մենք ոչ թե նվաճել ենք, այլ ազատագրել ենք մեր պատմական հողերը»: «Մենք օկուպանտներ չենք, մենք վերադարձրել ենք այն, ինչ պատկանում է մեր ժողովրդին»,-հայտարարել է նա` հավելելով, որ փոխղիջումներ, անշուշտ, կլինեն, եւ խոսքը ոչ թե յոթ, այլ հինգ շրջանների մասին է:   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Բաժիններ թեմայով Սյուժե Վերջին լուրեր Մանկապարտեզներում երկարօրյա ծառայությունը կգործի անգամ 1 երեխայի համար  Մանկապարտեզներում կան նաև կրթական լրացուցիչ վճարովի ծառայություններՏաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակըՀամազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտումՏոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները |
