Հայաստանի համագործակցությունը եվրոատլանտյան կառույցների հետ խորանալու է 5 հոկտեմբերի 2009 - 20:20 AMT PanARMENIAN.Net - Հոկտեմբերի 5-ին կայացել է Հայաստան-ՆԱՏՕ անհատական գործընկերության գործողությունների ծրագրի կատարման միջգերատեսչական հանձնաժողովի նիստը, որը վարել է Ազգային անվտանգության խորհրդի քարտուղար Արթուր Բաղդասարյանը:Գործողությունների ծրագրի նպատակը եւրոպական եւ եւրատլանտյան կառույցների ու հաստատությունների հետ Հայաստանի համագործակցության խորացումն է: Ծրագրով նախատեսված 42 միջոցառումներն ընդգրկում են 122 գործողություն, որոնցից 84-ն արդեն կատարված են: Արթուր Բաղդասարյանը կարեւորել է ծրագրով նախատեսված սահմանային անվտանգության եւ ահաբեկչության, կազմակերպված հանցավորության եւ կիբեր հանցագործությունների դեմ պայքարի կատարելագործման, անհրաժեշտ ծրագրերի եւ միջոցառումների կազմման եւ համակարգված միջգերատեսչական համագործակցություն իրականացնելու հարցերը, որոնց կապակցությամբ ընդունվել են համապատասխան որոշումներ: Միջգերատեսչական հանձնաժողովի անդամները ներկայացրել են գործողությունների իրականացման ընթացքն ըստ գերատեսչությունների: Հանձնաժողովն արձանագրել է, որ արտաքին գործերի, պաշտպանության, արդարադատության, արտակարգ իրավիճակների, առողջապահության նախարարություններում եւ ազգային ավտանգության ծառայությունում ծրագրով նախատեսված գործողությունների իրականացման ընթացքն ամբողջությամբ համապատասխանում է ծրագրի իրականացման ժամանակացույցին: Ազգային տեղեկատվական ռազմավարության եւ քաղաքացիական պաշտպանության ազգային հայեցակարգի նախագծեր մշակելու համար հանձնաժողովի որոշմամբ ստեղծվել են աշխատանքային խմբեր: Հանձնաժողովի հաջորդ նիստը կգումարվի 2010 թվականի հունվարին` ամփոփելու 2009 թվականին կատարված աշխատանքը, հաղորդում է Հայաստանի Ազգային անվտանգության խորհրդի մամլո գրասենյակը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |