Հնդկաստանը ծրագրում է Հայաստանում տեղեկատվական տեխնոլոգիաների ուսուցման կենտրոն բացել27 նոյեմբերի 2009 - 20:43 AMT PanARMENIAN.Net - Նոյեմբերի 27-ին ՀՀ Ազգային ժողովի նախագահ Հովիկ Աբրահամյանն ընդունեց ՀՀ-ում Հնդկաստանի նորանշանակ արտակարգ եւ լիազոր դեսպան Աչալ Կումար Մալհոթրային: Շնորհավորելով դեսպանին պաշտոնը ստանձնելու կապակցությամբ` ԱԺ նախագահը համոզմունք հայտնեց, որ նրա պաշտոնավարման տարիներին Հայաստանի եւ Հնդկաստանի միջեւ բարեկամական հարաբերությունները առավելկզարգանան եւ կամրապնդվեն, ինչը բխում է երկու ժողովուրդների ու պետությունների շահերից: Նա իր պատրաստակամությունը հայտնեց աջակցել համագործակցության խորացմանը փոխադարձ կարեւորություն ունեցող տարբեր ոլորտներում: Հովիկ Աբրահամյանը ընդգծեց երկու երկրների միջխորհրդարանական կապերը ակտիվացնելու եւ զարգացնելու անհրաժեշտությունը, կարեւորեց բարեկամության պատգամավորական խմբերի փոխգործակցությունը, փորձի փոխանակումը օրենսդրական դաշտում, համագործակցությունը միջազգային կառույցներում: Հայաստանը բարձր է գնահատում Հնդկաստանի հետ ունեցած իր ջերմ հարաբերությունները, որոնք սկիզբ են առնում դեռեւս 16-րդ դարից, երբ հայ-հնդկական առեւտրային լայն կապերը սերտացնելով երկու ժողովուրդների բարեկամությունը` հիմք հանդիսացան հնդկահայ գաղութի ձեւավորման համար: Հայաստանում Հնդկաստանի դեսպան Աչալ Կումար Մալհոթրայը շնորհակալություն հայտնելով ընդունելության համար` նշեց, որ իր ջանքերը կգործադրի հայ-հնդկական ջերմ եւ բարեկամական հարաբերությունները հնարավորինս զարգացնելու տարբեր ուղղություններով: Կարեւորվեց միջխորհրդարանական կապերի զարգացման եւ խորացման անհրաժեշտությունը: Հնդկաստանի դեսպանը խորհրդարանի ղեկավարին տեղեկացրեց, որ նախատեսվում է Հայաստանում բացել տեղեկատվական տեխնոլոգիաների ուսուցողական կենտրոն: Հանդիպման վերջում ԱԺ նախագահ Հովիկ Աբրահամյանը Հնդկաստանի դեսպանին խնդրեց փոխանցել Հնդկաստանի խորհրդարանի նախագահին Հայաստան այցելելու իր հրավերը, հաղորդում է ՀՀ ԱԺ պաշտոնական կայքը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |