  907-ՐԴ ՈՒՂՂՄԱՆ ԿԱՍԵՑՄԱՆ ՎԵՐԱԲԵՐՅԱԼ ՎԵՐՋՆԱԿԱՆ ՈՐՈՇՈՒՄԸ ԿԸՆԴՈՒՆՎԻ ԱՅՆ ԲԱՆԻՑ ՀԵՏՈ, ԵՐԲ ՊԱՐԶ ԿԴԱՌՆԱ ՄՆՈՒՄ Է ԱԴՐԲԵՋԱՆԸ ԵՎՐՈՊԱՅԻ ԽՈՐՀՐԴԻ ԿԱԶՄՈՒՄ ԹԵ ՈՉ16 հունվարի 2002 - 22:36 AMT PanARMENIAN.Net - 907-րդ ուղղման ժամանակավոր կասեցման վերաբերյալ վերջնական որոշումը կընդունվի այն բանից հետո, երբ պարզ կդառնա Եվրոպայի Խորհրդի Խորհրդարանական վեհաժողովում Ադրբեջանի կողմից իր վրա վերցրած պարտավորությունների չկատարման վերաբերյալ հարցի լսումների արդյունքը: Հիշեցնենք` Բաքվի որոշ ԶԼՄ-ներ ենթադրում են, որ նախագահ Բուշի ձգտումը երկարաձգել պատժամիջոցների կասեցման վերաբերյալ հարցի ընթացակարգը, կապված է ԵԽԽՎ-ի որոշմանը սպասելու ցանկության հետ: Նրանց կարծիքով, Բուշը վախենում է հայտնվել տհաճ իրավիճակում այն դեպքում, եթե նա կասեցնի Ադրբեջանի հանդեպ կիրառվող պատժամիջոցները, իսկ Եվրոպայի Խորհուրդը, հակառակը, որոշի կիրառել դրանք: Այնուամենայնիվ, նախագահը արդեն ստորագրել է փաստաթուղթը, որը սկիզբ է դրել Ադրբեջանի հանդեպ կիրառվող պատժամիջոցների կասեցման լուծման համար անհրաժեշտ ընթացակարգին: Հաջորդ քայլը պետք է դառնա 907-րդ ուղղման կասեցման վերաբերյալ հուշագրի ձեւակերպումն ու փոխանցումը կոնգրես: Պետդեպարտամենտի գլխավոր արդարադատության վարչությունը պետք է փաստաթուղթ կազմի պատժամիջոցների կիրառման ժամանակավոր վետոյի մասին, որտեղ կհիմնվորվի այդ քայլի նպատակահարմարությունը: Պետքարտուղար Քոլին Փաուելի ստորագրելուց հետո, փաստաթուղթը կներկայացվի նախագահի ստորագրմանը, եւ հետո միայն կփոխանցվի կոնգրես: Կոնգրեսում գրանցվելուց հետո, 907-րդ ուղղումը արդեն պաշտոնապես կհամարվի կասեցված մինչեւ 2002 թվականի վերջը: Այդ ամբողջ ընթացակարգը կտեւի երկու-երեք շաբաթից ոչ պակաս: Ընդ որում, արդեն տաս օրից հայտնի կդառնա` կմնա արդյոք Ադրբեջանը Եվրոպայի Խորհրդի լիիրավ անդամ, թե կվտարվի այդ կազմակերպության շարքերից իր վրա վերցրած պարտավորությունները կատարել չցանկանալու համար:Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
