ՀՀ և ԼՂՀ արդարադատության նախարարությունները Փոխըմբռնման մասին նոր հուշագիր կստորագրեն26 ապրիլի 2010 - 18:49 AMT PanARMENIAN.Net - Այսօր Լեռնային Ղարաբաղի Հանրապետության արդարադատության նախարար Նարինե Նարիմանյանը հանդիպումներ է ունեցել նախարար Գևորգ Դանիելյանի և այլ պաշտոնատար անձանց հետ: Նարինե Նարիմանյանի առաջարկությամբ կողմերը հանգամանորեն քննարկել և ամփոփել են 2007թ. նոյեմբերի 30-ին երկու պետությունների միջև կնքված ՙՀայաստանի և Լեռնային Ղարաբաղի Հանրապետությունների միջև համագործակցության մասին՚ փոխըմբռնման հուշագրի պայմանների կատարման արդյունքները: Կողմերը պայմանավորվեցին մայիսին Լեռնային Ղարաբաղում կայանալիք հերթական հանդիպման ընթացքում ստորագրել նոր Փոխըմբռնման հուշագիր, որի նախագծի հիմնադրույթների շուրջ կողմերն արդեն եկել են համաձայնության: Նոր հուշագրում, հատկապես, առանցքային նշանակություն է տրվելու արդարադատության նախարարության համակարգի կադրերի վերապատրաստման աշխատանքների բարելավմանը. մասնավորապես, առանձնահատուկ տեղ է տրվելու կոնկրետ ստորաբաժանումներ գործուղելու և տեղում փորձի փոխանակում ապահովելու, ինչպես նաև վերապատրաստման փոխհամաձայնեցված ծրագրեր ներդնելու եղանակներին: Ըստ նախատեսված ժամանակացույցի, հիշյալ հուշագիրը ուժի մեջ կմտնի օգոստոսի 2-ից: Միաժամանակ, կողմերը պայմանավորվեցին մինչև մայիսի 10-ը Հայաստանի Հանրապետության արդարադատության նախարարության էլեկտրոնային պաշտոնական կայքում բացել առանձին եռալեզու (հայերեն, անգլերեն և ռուսերեն) կայքէջ, որը նվիրված կլինի Լեռնային Ղարաբաղի Հանրապետության արդարադատության նախարարության համակարգին և գործունեությանը: ՀՀ արդարադատության նախարարը խոստացավ նույն ժամկետում տեխնիկական և մասնագիտական աջակցություն ցուցաբերել` նաև ԼՂՀ արդարադատության նախարարության ինքնուրույն կայքէջի հիմնադրման նախաձեռնությանը, ասվում է արդարադատության նախարարի մամլո քարտուղարի հաղորդագրության մեջ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |