  Ուկրաինայի նախագահը հրավիրել է Սերժ Սարգսյանին պաշտոնական այց կատարել Ուկրաինա  16 սեպտեմբերի 2010 - 17:28 AMTPanARMENIAN.Net - Հայաստանի նախագահ Սերժ Սարգսյանն այսօր ընդունել է Հայաստանի Հանրապետությունում Ուկրաինայի արտակարգ եւ լիազոր դեսպան Ալեքսանդր Բոժկոյին, ով ավարտում է իր դիվանագիտական առաքելությունը մեր երկրում: Հանրապետության ղեկավարը շնորհակալություն է հայտնել դեսպանին`Հայաստանի եւ Ուկրաինայի միջեւ հարաբերությունների խորացման եւ տարբեր ոլորտներում փոխգործակցության զարգացմանն ուղղված անձնական ներդրման համար` ընդգծելով պարոն Բոժկոյի դերը եւ ակտիվ գործունեությունը ոչ միայն որպես դեսպան, այլ նաեւ որպես հայագետ եւ հայ ժողովրդի մեծ բարեկամ: Նախագահ Սարգսյանը հաջողություն է մաղթել պարոն Բոժկոյին հետագա գործունեության մեջ եւ վստահություն հայտնել, որ նա կշարունակի մնալ Հայաստանի եւ հայ ժողովրդի լավ բարեկամը` իր գործունեությամբ նպաստելով երկու երկրների եւ ժողովուրդների միջեւ հարաբերությունների առավել սերտացմանը: Դեսպան Բոժկոն ուրախությամբ է արձանագրել, որ Հայաստանի եւ Ուկրաինայի միջեւ մի շարք ոլորտներում`տնտեսական, մշակութային, նաեւ ապակենտրոնացված համագործակցության, նոր լիցք եւ զարգացման աշխույժ դինամիկա է նկատվում, ինչը հնարավորություն կընձեռի մոտ ապագայում որակապես նոր աստիճանի հասցնել երկկողմ հարաբերությունները: Հանդիպման ընթացքում Ալեքսանդր Բոժկոն նախագահ Սարգսյանին է փոխանցել Նախագահ Յանուկովիչի հրավերը` պաշտոնական այց կատարելու Ուկրաինա, հաղորդում է նախագահի մամլո ծառայությունը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
