  Կարեն Ավագյան. Հայաստանում երիտասարդությունը չափազանց քաղաքականացված է30 ապրիլի 2011 - 16:16 AMT PanARMENIAN.Net - Հայաստանի Երիտասարդական հիմնադրամի «Բազե» ակումբում տեղի ունեցավ «Որքանով է երիտասարդությունը ներգրավված երկրի հասարակական-քաղաքական կյանքի մեջ» քննարկումը: Ինչպես նշեց «Բազե» ակումբի ղեկավար Սամվել Մերթարջյանը, «Բազե» ակումբի այս հերթական քննարկումը նվիրված է երիտասարդության խնդիրներին և կոչված է լսելի դարձնելու երիտասարդության ձայնը: «Երիտասարդությունը բավական ակտիվ է, պարզապես պետք է ականջ դնել նրան և համակարգել նրա աշխատանքը»,- հայտնեց նա լրագրողներին քննարկման բացումից առաջ: Հայաստանի Ազգային Ժողովի պատգամավոր Կարեն Ավագյանը նշեց, որ Հայաստանում երիտասարդությունը չափազանց քաղաքականացված է: «Մեր երիտասարդությունը, ցավոք, քիչ է ներգրավված երիտասարդական գործընթացների և շատ ավելի` քաղաքական գործընթացների մեջ»,- նկատեց նա: Շատ երիտասարդներ փորձում են քաղաքական կուսակցությունների օգնությամբ կարիերա կառուցել, ասաց Կարեն Ավագյանը` օրինակ բերելով երիտասարդական խորհրդարանը: «Այդտեղ հայտնվել ցանկացողներից շատերն անգամ չգիտեն, թե կոնկրետ ինչով է զբաղվելու այդ երիտասարդական խորհդարանը»,- հեգնանքով նկատեց պատգամավորը: Նա երիտասարդներին կոչ արեց բացի քաղաքականությունից ավելի ակտիվ ներգրավվել երկրում տեղ գտնող գործընթացներում` նշելով, որ երիտասարդությունը միշտ էլ թարմություն է հաղորդում ցանկացած գործին, նրան հատուկ են խանդավառությունն ու մերկանտիլության բացակայությունը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
