Թայվանցի կինոռեժիսորը ստացավ «Ոսկե ծիրանի» առաջին մրցանակը17 հուլիսի 2006 - 18:57 AMT PanARMENIAN.Net - «Ոսկե ծիրան» միջազգային կինոփառատոնի առաջին մրցանակը ստացավ թայվանցի ռեժիսոր Սյաո Սիեն Խոուն «Երեք ժամանակները» ֆիլմի համար: Երկրորդ տեղը կիսեցին երիտասարդ իսպանացի ռեժիսոր Իսահակ Լոկուստի «Ժամանակի առասպելը» եւ ֆրանսիացի ռեժիսոր Ռոբեր Գեդիկյանի «Վերադարձ Հայաստան» ֆիլմերը: Վավերագրական ֆիլմերի թվում առաջին մրցանակին արժանացավ ավստրիացի կինոռեժիսոր Միխաել Գլավոգերի «Բանվորի մահը» կինոնկարը: Երկրորդ տեղը կիսեցին բրազիլացի ռեժիսոր Մարկուշ Պրադուի «Էստամիրա» եւ շվեդ ռեժիսոր Գունար Բերգդալի «Լյուդմիլան եւ Անատոլին» ֆիլմերը: «Հայկական համայնապատկեր» անվանակարգում առաջին մրցանակի արժանացավ Հրանտ Հակոբյանի «Մոռացված կղզու բնակիչները» վավերագրական ֆիլմը: Կինոփառատոնի պատվավոր հյուրերին` հայ ռեժիսոր Արտավազդ Փելեշյանին, իտալացի կինոռեժիսոր Մարկո Բելոկկիոին, իրանցի ռեժիսոր Մոհսեն Մախմալբաֆին, ԱՄՆ-ից վավերագրող Գոդֆրի Ռեջիոին եւ իտալացի մեծ սցենարիստ Տոնինո Գուերրային հանձնվեցին Սերգեյ Փարաջանովի անվան «Համաշխարհային կինեմատոգրաֆի զարգացման գործում ավանդի համար» մրցանակները: ՀՀ Մշակույթի եւ երիտասարդության նախարարության ոսկե հուշամեդալները հանձնվեցին Գոդֆրի Ռեջիոին, Տոնինո Գուերրային, լեհ կինոռեժիսոր Քշիշտոֆ Զանուսիին եւ Պուսսանի միջազգային կինոփառատոնի տնօրեն Քիմ Դոնգ-Խոին Հարավային Կորեայից, հաղորդում է «Ոսկե ծիրան» միջազգային կինոփառատոնի մամլո ծառայությունը: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |