Մանկապարտեզների տնօրենները վախենում են կարծիք հայտնել անվճար մանկապարտեզների վերաբերյալ 4 ապրիլի 2011 - 16:54 AMT PanARMENIAN.Net - Երևանի մանկապարտեզների տնօրենները վախենում են իրենց վերաբերմունքն արտահայտել անվճար մանկարապարտեզների մասին Երևանի քաղաքապետարանի որոշման վերաբերյալ այն մասին, որ ապրիլի 1-ից մայրաքաղաքի բոլոր մանկապարտեզները, որոնք քաղաքապետարանի իրավասության ներքո են, անվճար կդառնան: Սակայն, ինչպես հայտնի դարձավ, մանկապարտեզներն անվճար են միայն այն երեխաների համար, ում ծնողները երևանյան գրանցում ունեն: Եթե երեխայի ծնողները գրանցված չեն Երևանում, ապա նրանք պետք է ամսական 18 000 դրամ վճարեն: Ինչպես պարզել է PanARMENIAN.Net ի թղթակիցը, նման որոշմանը ծնողների բացասական արձագանքը կանխատեսելի էր: Որոշ ծնողներ, որոնք մայրաքաղաքի գրանցում չունեն, վրդովված են այդ որոշմամբ և դադարել են իրենց երեխաներին մանկապարտեզ տանել, ոմանք էլ հաշտվել են և ստիպված են վճարել: «Իհարկե, Երևանում չգրանցված ծնողներն իրենց դժգոհությունն են հայտնել այդ որոշման վերաբերյալ: Շատ ծնողներ չունեն ֆինանսական հնարավորություններ, որպեսզի ամսական 18 000 դրամ վճարեն»,- ասել է թիվ 88 մանկապարտեզի տնօրենը: Սակայն նա նկատել է, որ նոր քաղաքականությունը պետք է տարածվի այն երեխաների վրա, որոնք դեռ նոր պետք է ընդունվեն մանկապարտեզ: «Ափսոս, որ այն երեխաները, որոնք մոտ 2-3 տարի հաճախում են մեր մանկապարտեզ, ստիպված են հեռանալ»,- ասել է գործակալության զրուցակիցը: Թիվ 80 մանկապարտեզի տնօրենն իր հերթին ասել է. «Եթե Հայաստանի բոլոր մարզերի երեխաներն այցելեն Երևանի մանկապարտեզներ, ապա ո՞վ կմնա մարզերում»: Սակայն հարկ է նշել, որ շատ տնօրեններ հրաժարվեցին իրենց դիրքորոշումն արտահայտել այս հարցի վերաբերյալ` վկայակոչելով, թե զբաղված են կամ ասելով. «Դա կառավարության որոշումն է, մենք ընդամենը ենթարկվում ենք»: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում ԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |