«ԷկոԼուր». Geopromining Gold»-ը շարունակում է ապօրինի գործունեությունը Սևանի ավազանում 5 ապրիլի 2011 - 19:40 AMT PanARMENIAN.Net - ՀՀ բնապահպանության նախարարության բնապահպանական պետական տեսչությունը ստուգումներ չի անցկացրել «GeoProMining» ընկերությունում Հայաստանում վերջինիս 4-ամյա գործունեության ընթացքում: Այս մասին ասվում է նախարարության աշխատակազմի ղեկավար Էդգար Փիրումյանի` «ԷկոԼուր» հասարակական կազմակերպությանն ուղղված պատասխան նամակում: «ԷկոԼուր»-ի հարցումը վերաբերում էր Սոտքումմանրող-ջարդող սարքի տեղադրմանը, որը հակասում է «Սևանա լճի մասին» ՀՀ օրենքի` Սևանի ավազանում վերամշակման գործունեություն արգելող 10-րդ հոդվածին: «ԷկոԼուրի» տվյալներով, ընկերության գործունեությունը Սոտքում, հանքավայրի բաց եղանակով շահագործմանն անցնելը, հանգեցրեցին տասնյակ հազարավոր տոննա լցակույտերի գոյացմանը, որոնք պարունակում են տոքսիկության առաջին դասի տարրեր` անտիմոն, մկնդեղ, ինչպես նաև ռադիոակտիվ տարրեր, որոնք բնորոշ են նմանատիպ բազմամետաղային հանքերին: Հանքանյութի մանրացումը և բաժանումն արդեն իսկ արտադրական գործընթաց է` թեկուզ և առանց քիմիական մշակման: «ԷկոԼուրը» նախարարության ուշադրությունն է հրավիրում այն բանի վրա, որ օրենքում ոչինչ չի ասվում քիմիական մշակման մասին, այլ պարզապես արգելվում է ցանկացած վերամշակման գործունեություն Սևանի ավազանում: Արդեն իսկ նկատվում է ընկերության գործունեության բացասական ազդեցությունը Սևանա լճի ավազանի վրա, և առաջին հերթին Սոտք գետի և ստորգետնյա ջրերի վրա: Սոտք գետի հատակային նստվածքում հայտնաբերվել են Սոտքի հանքավայրին բնորոշ տարրերի ՍԹԿ-ների գերազանցում: «Չնայած նրան, որ վերը նշված ռիսկերը ուշադրության են առնվել, երբ«Geopromining Gold» ընկերությանը 2009թ. ամենաբարձր մակարդակով մերժվեցՍոտքում ոսկու հարստացման գործարան կառուցել, այնուամենայնիվ, 2011թ.փետրվարին ընկերությունը սկսեց իրականացնել իր մտադրության առաջին փուլը`հանքանյութի մանրոցման և առանձնացման սարքի տեղադրումը: Մեր կարծիքով, Բնապահպանության նախարարությունն իրավունք չունի իր գլուխնազատելու ոչինչ չնշանակող նամակներով` հաշվի առնելով Սևանա լճիառաջնահերթությունը և ռազմավարական նշանակությունը: Սևանա լճիպահպանման համար ծախսվում են հսկայական ռեսուրսներ, ձևավորվել ենտարբեր կառույցներ, ինչպիսք են` «Սևան» ազգային պարկը և նրան առընթեր ստեղծված Խորհուրդը, ՀՀ ԳԱԱ-ին առընթեր Սևանի պահպանման փորձագիտականհանձնաժողովը, ՀՀ նախագահին առընթեր Սևանա լճի հիմնահարցերիհանձնաժողովը: Մենք հույս ունենք, որ բնապահպանության նախարար ԱրամՀարությունյանը կարձագանքի «Geopromining Gold» ընկերության ապօրինիգործունեության վերաբերյալ ահազանգին և համապատասխան ստորաբաժանումներին կհանձնարարի ստուգել Սևանի ավազանում «Geopromining Gold» ընկերության գործունեությունը ՀՀ օրենսդրության և «Սևանա լճի մասին» ՀՀ օրենքի համաձայն; Սոտքի հանքանյութին բնորոշ տարրերի պարունակության վերաբերյալ ջրի և Սոտք գետի հատակային նստվածքի ուսումնասիրություն անցկացնել, ինչպես նաև վերլուծել այն հատվածներից վերցված նմուշները, որոնք օգտագործվում են լցակույտերի տեղադրման համար»,- ասվում է «ԷկոԼուրի» մամլո հաղորդագրության մեջ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա Ալմաթիում մեկնարկել է ՀՀ և Ադրբեջանի ԱԳ նախարարների ղեկավարած պատվիրակությունների հանդիպումը Մինչ հանդիպումը Միրզոյանին և Բայրամովին առանձին ընդունել է Ղազախստանի փոխվարչապետ, ԱԳ նախարար Մուրատ Նուրտլաուն Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են ՀՀ և Ղազախստանի ԱԳ նախարարները շեշտել են սահմանազատման գործընթացում Ալմաթիի հռչակագրի նշանակությունը Անդրադարձ է կատարվել տարածաշրջանային տնտեսական ու տրանսպորտային փոխկապակցվածության հարցերին |