Նիժնի Նովգորոդի հայ համայնքի ջանքերով քաղաքում հայկական եկեղեցի է կառուցվում 12 ապրիլի 2011 - 13:09 AMT PanARMENIAN.Net - Երևանի քաղաքապետ Կարեն Կարապետյանը հանդիպել է մասնավոր այցով Երևանում գտնվող Նիժնի Նովգորոդի քաղաքապետ Օլեգ Սորոկինի հետ: Ներկայացնելով մայրաքաղաքի արդյունավետ կառավարման առաջնահերթությունները` քաղաքապետն ընդգծել է, որ քաղաքապետարանը նպատակ ունի փոխշահավետ համագործակցություն ծավալել գործարար ոլորտի ներկայացուցիչների հետ: «Բիզնես տրամաբանություն ունեցող ոլորտների մասնավոր կառավարման արդյունքում ոչ միայն կշահեն կոնկրետ ուղղությունները, այլ նաև բյուջեից խնայված զգալի միջոցները կուղղվեն սոցիալական, բնապահպանական, կրթական և այլ ոլորտներ»,- նշել է Կարեն Կարապետյանը և հավելել, որ քաղաքապետարանը բաց է ցանկացած համագործակցության, որն ուղղված է մայրաքաղաքի զարգացմանը: Շնորհակալություն հայտնելով ջերմ ընդունելության համար` Օլեգ Սորոկինը Կարեն Կարապետյանին է ներկայացրել քաղաքային տնտեսության կառավարման ոլորտում վերջին տարիների իրենց փորձը: Խոսելով շուրջ 35000-անոց հայկական համայնքի մասին` Օլեգ Սորոկինը նշել է, որ այն ակտիվ ներգրավված է քաղաքի տնտեսական և մշակութային կյանքում: Ներկայում համայնքի հնարավորություններով հայկական եկեղեցի է կառուցվում: Կողմերը մտքեր են փոխանակել կոմունալ տնտեսության, առողջապահության, տրանսպորտի և կրթության ոլորտներում իրականացվող ծրագրերի վերաբերյալ: Երևանի և Նիժնի Նովգորոդի քաղաքապետերը քննարկել են նաև հնարավոր համագործակցության հեռանկարները, հաղորդում է Քաղաքապետարանի հասարակայնության հետ կապերի վարչությունը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Ալիևի անվտանգության ծառայության պետի ընտանիքը միլիոնավոր դոլարների անշարժ գույք ունի Լոնդոնում և Դուբայում  Էյուբովն ավելի քան 20 տարի Ալիևի անվտանգության ծառայության պետն է, մինչ այդ էլ այդ պաշտոնը զբաղեցրել է նրա հոր օրոքՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» |
