Կենտրոն համայնքի ծնողներին հաջողվեց համոզել քաղաքապետարանին հրաժարվել անհեթեթ որոշումից22 ապրիլի 2011 - 16:16 AMT PanARMENIAN.Net - Ապրիլի 18-ից Երևանի Կենտրոն համայնքում մանկապարտեզ հաճախող երեխաների նկատմամբ կիրառված անհիմն բանավոր հրահանգ արձակողներն ընկրկեցին, և հրահանգը դադարեց պարտադրաբար կիրառվել 2732 սաների վրա: Ինչպես հայտնում են Կենտրոն համայնքի մանկապարտեզների սաների ծնողներ, ապրիլի 21-ին, լարվածությունը ծնողներ-մանկապարտեզ-քաղաքապետարան եռանկյունում թուլացել է: Ապրիիլի 20-ին քաղաքապետարանում տեղի ունեցած հանդիպումից հետո, որին մասնակցում էին Երևանի 3 մանկապարտեզների սաների ծնողներ, իր առաջին պտուղները տվեց դրանից մի քանի ժամ անց. տնօրեններին հրահանգվեց մանկապարտեզում ներկա երեխաների թիվը հաղորդել թաղապետարան առաջին անգամ 9-ին, երկրորդ անգամ 9:30, նախկին 8:30-ի փոխարեն: Այս նոր հրահանգը ենթադրում է, որ մանկահասակ երեխաների առաջ դռներ չեն փակվի, նրանց ծնողներն էլ իրենց երեխաների օրը կհամակարգեն` իրենց օրվա գրաֆիկին համապատասխան: Ի դեպ, համաձայն «Նախադպրոցական կրթության մասին» ՀՀ օրենքի (ընդունված 2005 թվականի նոյեմբերի 15-ին) դրույթներով սահմանվում է. «Հոդված 28. Ծնողների կամ նրանց օրինական ներկայացուցիչների իրավունքները և պարտականությունները 1. Ծնողները կամ նրանց օրինական ներկայացուցիչները իրավունք ունեն՝ ա) ընտրելու նախադպրոցական ուսումնական հաստատությունը և երեխայի կրթություն ստանալու ձևը, այդ թվում` ուսուցումը ընտանիքում. բ) երեխաների զարգացման, դաստիարակության և ուսուցման հարցերով դիմելու կրթության կառավարման համապատասխան մարմիններ. գ) համապատասխան պետական մարմիններում պաշտպանելու իրենց երեխաների օրինական շահերը. դ) մասնակցելու նախադպրոցական կրթության գործընթացին:», ինչպես նաև` «2. Նախադպրոցական ուսումնական հաստատության աշխատանքի ռեժիմը, երեխաներին պահելու տևողությունը սահմանում է նրա հիմնադիրը` կրթության և առողջապահության ոլորտի պետական կառավարման լիազորված մարմինների իրավական ակտերի պահանջներին համապատասխան: Ծնողների կամ նրանց օրինական ներկայացուցիչների համաձայնությամբ նախադպրոցական ուսումնական հաստատությունում սահմանվում է աշխատանքի ռեժիմի ճկուն համակարգ:»` «Նախադպրոցական կրթության մասին» ՀՀ օրենքի (ընդ, 15.11.2005), գլուխ 3, հոդված 11, 2-րդ կետ: Սա նշանակում է, որ ծնողները կարող են համապատասխան դիմում ներկայացնել մանկապարտեզի տնօրենին և իրենց երեխային մանկապարտեզ հանել` դիմումում նշված ժամին: Իսկ դիմումը չընդունելու կամ այլ տարբերակով երեխայի ազատ գրաֆիկով հաճախելիությանը խոչընդոտելու դեպքում` դիմել դատարան: Արդեն մի շարք մանկապարտեզներում ծնողները դիմում են ներկայացրել տնօրեններին: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում ԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |