ՀՀ քաղաքացիները 28 000 դրամ կվճարեն վարորդական իրավունք ստանալու համար17 մայիսի 2011 - 15:15 AMT PanARMENIAN.Net - Ընթացիկ տարվա մայիսի 14-ից ուժի մեջ է մտել ՀՀ կառավարության կողմից ապրիլի 14-ի թիվ 424 որոշումը, որը կանոնակարգում է վարորդական իրավունք ստանալու նոր ընթացակարգը: Այս մասին մայիսի 17-ին լրագրողների հետ հանդիպման ժամանակ ասաց ՀՀ ճանապարհային ոստիկանության հաշվառման, քննական և տրանսպորտային միջոցների տեխնիկական փորձաքննության բաժնի պետ Արթուր Տոնոյանը: «Նոր օրենքն անհամեմատ հեշտացնում է մեր քաղաքացիների գործը: Վարորդական իրավունք ստանալու համար պետք է լինել ՀՀ կամ այլ երկրի քաղաքացի, որի 18 տարին լրացել է: Պետք է պարզապես դիմել ճանապարհային ոստիկանություն: Նոր վկայական ստանալու համար դիմողները պետք է հանձնեն տեսական և գործնական քննություն» ,- նշեց Տոնոյանը: Քաղաքացիները տեսական քննությունը պետք է հանձնեն իրենց հաշվառման ստորաբաժնում յուրաքանչյուր ամսվա երեքշաբթի, հինգշաբթի և շաբաթ օրերին. «Տեսական քննություններն իրականացվում են համակարգչային թեստերի միջոցով, և յուրաքանչյուր թեստ կազմված է 2-5 տարբերակ ունեցող պատասխաններից, որոնցից ճիշտ է միայն մեկը: 9-10 ճիշտ պատասխանի դեպքում տեսական մասը համարվում է դրական հանձնված»: Տոնոյանը նշեց, որ տեսական քննությունից հետո արդեն պետք է հանձնել գործնականը և ստանալ վարորդական վկայական: Գործնական քննությունն իրականացվելու է մեկ փուլով իրական ճանապարհներում`15 րոպե տևողությամբ: «Վարորդական վկայական ստանալու համար քաղաքացին պետք է ներկայացնի դիմում, անձնագիր և օրենքով սահմանված պետական տուրքի վճարման անդորրագիր: Տեսական քննության համար պետք է վճարել` 3000, վարորդական վկայական ստանալու համար` 12000, իսկ գործնական քննության համար` 10000 դրամ: Իսկ ժամկետի նշում չպարունակող վկայականների գործողության ժամկետը սպառվում է այս տարվա դեկտեմբերին” , - ավելացրեց Տոնոյանը: Այն քաղաքացիները, ովքեր դիմում են միայն A,B,C կարգերի և A1,B1,C1 ենթակարգերի տրանսպորտային միջոցներ վարելու համար, քննությունները հանձնելուց հետո կարող են առանց բժշկական հավատարմագրման տեղեկանքի ստանալ վարորդական վկայական: «Նշված փաստաթուղթը պահանջվում է միայն D և E կատեգորիաների տրանսպորտային միջոցներ վարելու համար» ,- նշեց Տոնոյանը:   Ուշագրավ Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է  Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԲաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրելԱմերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակումԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |
