Ամերիկացի Ալեքսիս Օհանյանը, որն առաջին հերթին հայտնի է որպես լայն ժողովրդականություն վայելող սոցիալական լրատվական reddit.com կայքի հիմնադիր: Կայքէջում գրանցված օգտվողները կարող են Ինտերնետում զետեղված տեղեկատվության հղումներ զետեղել: Սակայն Հայաստանում նա հայտնի դարձավ այն բանից հետո, երբ նրա շնորհանդեսը TED խորհրդաժողովում հայտնվեց Ինտերնետում: 2007թ. Ալեքսիս Օհանյանը վաճառեց Condé Nast ընկերության շահութաբեր նախագիծը և հիմնեց Breadpig սոցիալական ձեռնարկությունը` զվարճանքի իրերի վաճառքի համար: Ողջ հասույթը նա ուղղեց դպրոցների կառուցմանը: Ալեքսիս Օհանյանն առաջին անգամ է այցելում Հայաստան` Kiva ոչ առևտրային միկրովարկավորման ընկերության շրջանակներում, սակայն արդեն նոր ուղևորություններ է ծրագրում դեպի պատմական հայրենիք:

Ապրիլին Հայաստանում տեղի ունեցան հայտնի ամերիկահայ երգչուհի Եվա Մեձորյանի համերգները: Համերգների ողջ հասույթն ուղղվեց բարեգործկան նպատակների` ի նպաստ հայ ընտանիքների, երեխաների: Այդ կինը ճանաչում է Հայաստանը և իրազեկ է նրա խնդիրներին, քանի որ հասցրել է ուսումնասիրել դրանք, լինելով տարբեր բարեգործական կազմակերպությունների, ասոցիացիաների ու հայկական դպրոցների նախագահը, ինչպես նաև ուրիշներին լսելու, սակայն ամեն ինչ անձամբ ստուգելու իր ունակությամբ: Արդեն մի քանի տարի է, ինչ ամուսիններ Ջեկ և Եվա Մեձորյանները բարեգործությամբ են զբաղվում Հայաստանում: Եվա Մեձորյանը հիմնել է բժշկական հիմնադրամ, որը ամենածանր տարիներին նորագույն սարքավորումներով էր ապահովում Հայաստանի հիվանդանոցները: Այդ հիմնադրամի օգնությամբ նա կարողացավ 1,5 մլն դոլար հավաքել ի նպաստ Սպիտակի երկրաշարժից տուժածների:

Հարավային Կովկասի տարածաշրջանում իրավիճակը լարված է մնում, անկախ ԱՄՆ-ի և Ռուսաստանի ջանքերից, որոնք ուղղված են ինչպես ղարաբաղյան հակամարտության գոտում, այնպես էլ ողջ Կովկասի տարածաշրջանում խախուտ խաղաղության ապահովմանը: Հայ-թուրքական հարաբերությունների կարգավորումը առկախ է մնացել, իսկ Ղարաբաղում նոր պատերազմի հավանականությունը, ըստ Ադրբեջանի նախագահի արտահայտությունների, աճում է: Ստեղծված իրավիճակի մասին PanARMENIAN.net-ին է պատմել խաղաղապահ, ԼՂՀ “Քաղաքացիական նախաձեռնությունների կենտրոն” իրավապաշտպան ոչ կառավարական կազմակերպության առաջին տնօրեն և Ղարաբաղյան հակամարտության գոտում անհայտ կորածների որոնման, գերիների փոխանակման միջազգային աշխատանքային խմբի համակարգող Ալբերտ Ոսկանյանը:

Ընթացիկ տարվա սկզբին Երևանին և Բաքվին ներկայացվեց ղարաբաղյան հակամարտության կարգավորման մասին մադրիդյան սկզբունքների նորացված տարբերակը, սակայն ԼՂՀ-ն, ամենայն հավանականությամբ, կրկին չի մասնակցելու բանակցային գործընթացին: Պաշտոնական Ստեփանակերտի` բանակցային գործընթացի այժմյան փուլի և մոտեցումների մասին պատմել է արցախցի քաղաքագետ Դավիթ Բաբայանը:

Վերջերս Գերմանիայի Բունդեսթագի անդամ Կատրին Վեռները Գերմանիայի պետնախարարին բաց նամակ է ուղարկել, որով իր անհամաձայնությունն է հայտնել Գերմանիայի կառավարության դիրքորոշմանը, ըստ որի գիտնականները պետք է ուսումնասիրեն Հայոց ցեղասպանության հարցը: Նամակում նա ընդգծել է նաև, որ Բեռլինը պաշտոնապես պետք է ճանաչի և’ Հայոց ցեղասպանությունը, և’ Գերմանիայի պատասխանատվությունն այդ հարցում:

Շատ փորձագետների կանխատեսումներով Հայաստանի տնտեսությունը գտնվում է ֆինանսատնտեսական ճգնաժամը հաղթահարելու վերջին փուլում, որը երևան հանեց նրա առավել խոցելի կողմերը և լավ դասեր տվեց. թույլ դիվերսիֆիկացիա, կախվածություն դրամական փոխանցումներից, տեղական արտադրողին խթանելու անհրաժեշտություն, ինչը թույլ կտա մեծացնել արտահանման ծավալները: 2010-ի վերաբերյալ իր տեսակետի մասին PanARMENIAN.Net-ի թղթակցի հետ զրույցում պատմել է “ՊրոԿրեդիտ Բանկ” ՓԲԸ-ի տնօրեն Բերտոլդ Հերցֆելդը:

Ղարաբաղա-ադրբեջանական հակամարտության հարցը միշտ գտնվել է միջազգային հանրության սեւեռուն ուշադրության տակ: Վերջին ժամանակներըՀարավային Կովկասի տարածաշրջանային գործընթացները միայն ուժեղացրել են միջազգային կառույցների եւ կազմակերպությունների, մասնավորապես ԵԱՀԿ-ի ուշադրությունն այդ հարցի նկատմամբ: ԵԱՀԿ խորհրդարանական վեհաժողովի նախագահը պատմեց PanARMENIAN.Net-ին ԵԱՀԿ ԽՎ մոտեցումների մասին հակամարտության խաղաղ լուծման վերաբերյալ:

Հայ-թուրքական հարաբերությունների կարգավորման մասին Արձանագրություննները, որ հոկտեմբերի 10-ին Ժնեւում ստորագրեցին Հայաստանի ու Թուրքիայի ԱԳՆ ղեկավարները, հավանության են արժանացել ինչպես ԱՄՆ-ի, այնպես էլ ԵՄ-ի կողմից: Միեւնույն ժամանակ, Եվրամիությունը հուսով է, որ Արձանագրություններն արագ կվավերացվեն եւ լիարժեք հարաբերություններ կհաստատվեն երկու հարեւան պետությունների` Հայաստանի ու Թուրքիայի միջեւ: Իր տեսակետը այդ հարցի շուրջ PanARMENIAN.Net-ին է հայտնել Հայաստանում Եվրահանձնաժողովի առաքելության ղեկավար, դեսպան Ռաուլ դը Լուցենբերգերը:

Հայաստանը գնալով առավել վստահ է շարժվում եվրաինտեգրման ճանապարհով: «Արեւելյան գործընկերությունը» կարող է լրացուցիչ խթան հանդիսանալ եվրոպական կառույցների հետ առավել սերտ համագործակցության համար: Անկայուն տարածաշրջանում գտնվող Հայաստանի համար նոր նախաձեռնությունը կարող է կայունության եւ անվտանգության որոշակի երաշխիք հանդիսանալ: Այդ ուղղությամբ զարգացման հեռնկարների մասին PanARMENIAN.Net-ին է պատմել Հայաստանում Եվրահանձնաժողովի առաքելության ղեկավար, դեսպան Ռաուլ դը Լուցենբերգերը:

Հայաստանի եւ Ադրբեջանի նախագահների հունվարյան հանդիպումը Ցյուրիխում ակտիվացրեց միջնորդների, եւ մասնավորապես, ԵԱՀԿ ջանքերը: Սպասվում է ԵԱՀԿ ՄԽ համանախագահների հերթական այցը հակամարտության գոտի, ներկայումս Հարավային Կովկաս է ժամանել Գորան Լենմարկերը: Եվրոպական կառույցները ցանկանում են որքան հնարավոր է արագ հանգուցալուծել հակամարտությունը, որն, իրենց կարծիքով, խանգարում է համագործակցությանը տարածաշրջանում: Լեռնային Ղարաբաղի հակամարտության կարգավորման գործընթացում ստեղծված իրավիճակի մասին PanARMENIAN.Net-ին է պատմել Լեռնային Ղարաբաղի եւ Վրաստանի գծով ԵԱՀԿ ԽՎ հատուկ ներկայացուցիչ Գորան Լենմարկերը: