Թուրքիան վերացրել է YouTube-ի վրա դրված երկամյա արգելքը

PanARMENIAN.Net - Թուրքիայի բնակիչները կրկին կարող են օգտվել YouTube վիդեոծառայությունից երկու տարի անց այն բանից հետո, երբ երկրի իշխանությունները որոշում ընդունեցին այն արգելափակելու մասին մի քանի հոլովակների պատճառով, որոնք վիրավորական էին ճանաչվել թուրքական պետության հիմնադրի համար:

Տրանսպորտի նախարար Բինալի Յըլդըրըմը, որը զբաղվում է նաև ինտերնետի հարցերով, հայտարարել է, որ կառավարության ներկայացուցիչները կապ են հաստատել Google ընկերակցության հետ, որին պատկանում է YouTube-ը: Նրա խոսքով, կայքն արգելափակելու պատճառներ այլևս չկան, քանի որ վիճելի տեսահոլովակներն արդեն ջնջված են:

Մուսթաֆա Քեմալ Աթաթուրքի վարկաբեկումը կամ թուրք ժողովրդի ազգային զգացմունքների վիրավորումն արգելված է երկրի օրենսդրությամբ: Արգելափակման հանգեցրած հոլովակը ենթադրվում է, որ բեռնվել է YouTube-ի հույն օգտվողների կողմից: Այդ հոլովակում Աթաթուրքն ու թուրքերը համասեռամոլ են անվանվում:

Այնուամենայնիվ, ծառայությունն արգելափակելու որոշումն առաջ բերեց Թուրքիայի շատ բնակիչների, ներառյալ նախագահ Աբդուլլահ Գյուլի քննադատությունը, որը հայտարարեց այդ խնդիրը լուծելու անհրաժեշտության մասին, հաղորդում է BBC-ն:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին