ՄԱԿ-ում Հայաստանի մշտական ներկայացուցիչը նամակ է հղել Պան Գի Մունին23 նոյեմբերի 2010 - 18:49 AMT PanARMENIAN.Net - Ադրբեջանը միջոցներ չի խնայում իր ագրեսիվ դիրքորոշումն արդարացնելու, հայերի հանդեպ թշնամանք ու ատելություն սերմանելու համար: Սարսափելի է այն փաստը, որ Ադրբեջանի նախագահը, ելույթ ունենալով երեխաների առջև, սուր է ճոճում և գովաբանում Ադրբեջանի ռազմական հնարավորությունները, սպառազինությունն ու մարտունակությունը: Այդ մասին ասվում է ՄԱԿ-ում ՀՀ մշտական ներկայացուցիչ Կարեն Նազարյանի ՄԱԿ-ի գլխավոր քարտուղար Պան Գի Մունին ուղղված նամակում: Նամակում, մասնավորապես, ասվում է. «Ադրբեջանի ռազմատենչ հայտարարությունները ուղեկցվում են հայ մշակութային ժառանգության ոչնչացմամբ ժամանակակից Ադրբեջանի տարածքում: Բուլդոզերի օգնությամբ տասնյակ հազարավոր հուշարձանների ոչնչացումը Նախիջևանում և այդ տեղում պոլիգոնի ստեղծումը վանդալիզմի վառ օրինակ է: Չնայած Հայաստանի բազմաթիվ կոչերին, ՄԱԿ-ը, մասնավորապես, ՅՈՒՆԵՍԿՕ-ն պատշաճ ուշադրություն չեն դարձնում վանդալիզմի այդ դրսևորման վրա: Ադրբեջանն ի սկզբանե վարում էր ղարաբաղյան հակամարտությունը ռազմական ճանապարհով լուծելու քաղաքականություն, ինչն ուղեկցվում էր էթնիկ զտումներով Ադրբեջանի հայաբնակ շրջաններում և Լեռնային Ղարաբաղում: Բացի այդ, անտեսելով Արցախի ժողովրդի ինքնորոշման իրավունքը, Ադրբեջանը ռազմական ագրեսիա ծավալեց, որին մասնակցեցին նաև որոշ հայտնի միջազգային ահաբեկչական խմբեր: Մարդիկ, որոնք պատասխանատվություն են կրում Արցախի դեմ ագրեսիա ծավալելու համար, այսօր բարձր պաշտոններ են զբաղեցնում Ադրբեջանում կամ հերոսի կոչման են արժանանում: Ադրբեջանը ականջալուր չի լինում ՄԱԿ-ի գլխավոր քարտուղարի, ԵԱՀԿ երկրների, ԵԱՀԿ ՄԽ համանախագահ երկրների կոչերին: Հակառակը, Ադրբեջանը սադրանքներ է կատարում շփման գծում, խոչընդոտում է բանակցային գործընթացին»,-հայտնում է ՄԱԿ-ի պաշտոնական կայքը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |