   Իսլամական ֆունդամենտալիզմը գործի մեջՏարբեր խմբավորումների խնդիրն այն է, որ նրանք իրենց անկրթության և սահմանափակ մտածողության պատճառով, չեն պատկերացնում ամբողջ աշխարհի պատկերը, որը չի կիսվում Ալլահի որդիների և «անհավատների» միջև Իսլամիստական ֆունդամենտալիզմի դեմքը գնալով ավելի ու ավելի տհաճ, եթե չասենք սարսափելի, է դառնում: Վերջին բանը, որ արել են, Թիմբուքտուի հին դամբարանների ոչնչացումն է: Ինչպես գրում է BBC-ն, «Անսար Դին» խմբավորման իսլամիստ-գրոհայինները պատրաստ են ոչնչացնել բոլոր այն հուշարձանները, որոնք շարիաթի նորմերը խախտող կհամարվեն: Գրոհայինները քանդել են Ջինգերբեր հայտնի մզկիթի 2 գերեզմաններ, հաղորդում են տեղի բնակիչները:  20 հուլիսի 2012PanARMENIAN.Net - Թիմբուքտուն համարվում է Համաշխարհային ժառանգության օբյեկտ և այնտեղ են գտնվում մահմեդական սրբերի հնագույն գերեզմանները, որոնց իսլամում երկրպագում են սուֆիզմի հետևորդները: «Ալ-Քաիդայի» հետ կապված «Անսար Դին» խմբավորումը դավանում է իսլամի ֆունդամենտալիստական ձևին, ըստ որի սրբերի պաշտամունքը համարվում է կռապաշտություն: Խմբավորման անդամներն արդեն քանդել են Թիմուքտուի մի քանի հնագույն դամբարաններ: ՄԱԿ-ի Անվտանգության խորհուրդը քննադատել է դամբարանների ոչնչացումը, նախազգուշանելով, որ դա կարող է համարվել ռազմական հանցագործություն: Դա նշանակում է, որ գործը կարող է տեղափոխվել Հաագայի Միջազգային քրեական դատարան: Դատարանի դատախազ Ֆաթու Բենսուդան կիրակի օրը Թիմբուքտուի հուշարձաների ոչնչացումը անվանել է ռազմական հանցագործություն: Թիմբուքտուն կոչում են «333 սրբերի քաղաք»: «Անսար Դին» շարժման գաղափարախոսությունը արգելում է սրբերի երկրպագությունը, քանի որ դա համարում է կռապաշտություն: Մահմեդականները, որոնք դավանում են իսլամի ավանդական ձևերին, մասնավորապես` սուֆիաները, սրբերի երկրպագությունը համարում են նորմալ: Իսլամական խմբավորման հերթական բարբարոսությունը նորություն չէ: Աֆղանստանում իշխանության գալով, Թալիբանը ոչնչացրեց Բամիանում Բուդդայի հսկայական արձանը: Եվ ահա բոլորովին վերջերս Եգիպտոսում հնչեց աբսուրդ մի արտահայտություն այն մասին, որ պետք է ոչնչացնել բուրգերը, քանի որ դրանք հեթանոսական են… Այստեղ հարկ է նշել, որ ճարտարապետական հուշարձանների ոչնչացումը, որոնք որևէ կրոնի սահմաններում չեն տեղավորվում, չի հանդիսանում հենց իսլամի մենաշնորհ: Առաջին քրիստոնյաները նույնպիսի ոգևորությամբ ոչնչացնում էին այն ամենը, ինչը կապված էր հեթանոսական հավատի հետ: Սակայն ներկայումս նման գործողությունները, լավագույն դեպքում, զարմանք, վատագույն դեպքում`իսլամի` որպես համաշխարհային կրոնի մերժում են առաջացնում, որն իբրև թե խաղաղություն և լույս է կրում: Տարբեր խմբավորումների խնդիրն այն է, որ նրանք իրենց անկրթության և սահմանափակ մտածողության պատճառով, չեն պատկերացնում ամբողջ աշխարհի պատկերը, որ չի կիսվում Ալլահի որդիների և «անհավատների» միջև: Նույն թալիբները, ովքեր բացի պակիստանյան դպրոցից, ուրիշ ոչինչ չեն տեսել, իրենց տեսանկյունից են բացատրում Ղուրանը և այն ամենը, ինչը հասանելի չէ նրանց մտածողությանը, և այդ ամենը ոչնչացման ենթական համարում: Այդ շարքում է նաև Հին Ջուղայի հին հայկական գերեզմանատան ոչնչացումը: Մարդկության մշակութային արժեքների ոչնչացոմը ևս մեկ անգամ ապացուցել է ՄԱԿ-ի և ՅՈւՆԵՍԿՕ-ի ամբողջ անկարողությունը, որոնք, ինչպես միշտ, սահմանափակվել են միայն «քննադատությամբ» այն բանից հետո, ինչ հուշարձանները ոչնչացվել են: Այստեղ հանդիպում ենք միջազգային կազմակերպությունների պատասխանատվության ենթարկելու խնդրին: ՅՈւՆԵՍԿՕ-ի`ոչ նյութական ժառանգության ամեն տարի կազմվող ցուցակները, մարդկության հպարտություն հանդիսացող ճարտարապետական և պաշտամունքային շինությունների թվարկումը, արմատական իսլամիստների համար անհասկանալի երևույթ է: Վերջիններս, հուշարձանները ոչնչացնելով, իրենց վրա են գրավում ամբողջ աշխարհի ուշադրությունը: Նպատակը մեկն է` վախեցնել և ստիպել աշխարհին իրենց հետ հաշվի նստել: Եվ պետք է ասել, որ իսլամիստները դանդաղ, սակայն հաստատուն քայլերով մոտենում են իրենց նպատակին: Սակայն իսլամը` որպես համաշխարհային տրամաբանություն, կորցնում է իր հեղինակությունը: Իսկ միգուցե հակառա՞կը. մեր գլխիվայր շրջված աշխարհում այն ամենն, ինչ կործանարար է, ներկայացվում է որպես ժողովրդավարություն և եթե մեկն արդարացնի իսլամիստների արարքները, մյուսներին այլ բան չի մնա անել, իսկ մինչ այդ Ալլահի որդիներով բնակեցված երկրի վրա այլ բան չի մնա, բացի մզկիթներից… Կարինե Տեր-Սահակյան  Ամենաընթերցվողը բաժնում Խմբավորումները, որոնք կապված են «Ալ-Քաիդայի» հետ, նախորդ տարվա ապրիլից վերահսկվող տարածքներում թալիբների սցենարով շարիաթ են հաստատում Ղազախստանի ամենահայտնի քաղաքացիներից մեկը, որը ապաստան է գտել Ժնևյան լճի ափին, Վիկտոր Խրապունովն է ընտանիքի հետ Եվրամիությանն անհանգստացնում է ուժի կիրառման դեպքերի կրկնությունը, ինչպես նաև իշխանական կառույցներում տիրող անպատժելիությունը ՄԱԿ-ի ԱԽ-ի մշտական հնգյակը և Գերմանիան սպասում են Իրանի պատասխանին՝ կապված միջուկային ծրագիրը դադարեցնելու հետ   Partner news  Ուշադրության կենտրոնում Բաժնի այլ նյութերըԵգիպտացիներին դու ՞ր է եկել փոխել նախագահներին  Եգիպտացիները քաղցած և աղքատ են, իսկ երկրի տնտեսական վիաճկն օրեցօր վատանում էԳործադուլ անող նավթագործ բանվորներ, անհետացած բանկիր, հեղաշրջման փորձ. Ո ՞վ է Ղազախստանում «երաժշտություն պատվիրել» «Բոլոր նրանք, ովքեր դատապարտվել են, դատապարտվել են կոնկրետ հանցագործությունների, այլ ոչ թե «ինչ-որ բանի» համար»,-հայտարարել է անձամբ Ղազախստանի նախագահ Նուրսուլթան Նազարբաևը«Գազպրոմը» Թուրքիայում էլ է «Գազպրոմ» 2012թ դեպի Թուրքիա գազի պայմանագրային մատակարարումը կազմել է մոտ 30մլրդ քկմ, որոնցից 27 միլիարդը կյուրացնի Թուրքիան |  Այլ հոդվածներ Վերջին լուրեր «Եվրատեսիլ-2013»-ն ավարտվեց․ Առաջին տեղում է Դանիան, Dorians-ը՝ 18-րդն է Երկրորդ հորիզոնականում է Ադրբեջանը, երրորդը՝ Ուկրաինան, չորրորդը՝ Նորվեգիան․ առաջին հնգյակը եզրափակեց Ռուսաստանը։Արցախի պաշտպանական հատվածում հակառակորդը կրա՞կ է բացել. ՊԲ-ում խորհուրդ են տալիս ասեկոսներին չհավատալ ԼՂՀ ՊԲ մամուլի խոսնակ Սենոր Հասրաթյանն այսպես արձագանքեց ֆեյսբուքի «Մեր բանակը» էջի տարածած գրառումըՊՆ-ն պարզաբանում է՝ ինչու չի թույլատրել ՄԻՊ ներկայացուցիչներին հանդիպել սպանված զինվորի գործով ձերբակալվածի հետ Վերջիններս չեն ներակայցրել «Մարդու իրավունքենրի պաշտպանի մասին» ՀՀ օրենքի 12-րդ հոդվածի 1-ին մասի, 6-րդ կետով սահմանված գրավոր որոշումըՀՊՃՀ-ում կանցկացվի ատոմային էներգետիկայի և միջուկային գիտելիքների սեմինար-վարժանք Այն իրականացվում է ԱՄՆ Էներգետիկայի պետդեպարտամենտի հետ |
