Հյուրընկալության առանձնահատկություններն ըստ ԷրդողանիԻնչպես է Էրդողանի արարողակարգային ծառայությունը ներկայացնում Թուրքիայի նախագահի հյուրերին Աչքի անցկացնելիս նախագահական նստավայրում հյուրերի հետ Թուրքիայի նախագահ Ռեջեփ Թայիփ Էրդողանի հանդիպումների պաշտոնական լուսանկարները, նկատելի է դառնում աննշան, բայց հետաքրքրական մի նրբություն՝ բանակցությունների ժամանակ հյուրերին նստեցնելու կարգը: 24 սեպտեմբերի 2014 PanARMENIAN.Net - Թուրք նախագահին այցելած պատվիրակություններին այնպես են նստեցնում, որ վերադասի աշխատասենյակում ենթակային ընդունելու տպավորություն ստեղծվի՝ հյուրերը նստած են Էրդողանի աջ կողմում, կուչ եկած, սովորական աթոռների վրա, այն դեպքում, երբ ինքը՝ նախագահը, սեղանի կենտրոնական մասում է մեծ, ներկայացուցչական բազկաթոռին նստած: Այս նույն դասավորությունն է տարբեր երկրների բազմաթիվ ներկայացուցիչներին ընդունելիս: Ահա, օրինակ, Էրդողանը Մակեդոնիայի վարչապետ Նիկոլա Գրուևսկու հետ.
ԱՄՆ պաշտպանության նախարար Չակ Հեյգելի հետ,
Բուլղարիայի թուրքամետ կուսակցություններից մեկի առաջնորդի հետ,
և նույնիսկ ԱՄՆ պետքարտուղար Ջոն Քերիի հետ,
Մինչդեռ այլ երկրների ղեկավարներն աշխարհում նույն Քերիին բոլորովին այլ կերպ են ընդունում: Ահա, օրինակ, նույն ԱՄՆ պետքարտուղարը Եգիպտոսի նախագահ Աբդել Ֆաթահ Աս Սիսիի հետ,
կամ Սաուդյան Արաբիայի թագավոր Աբդուլլահի հետ,
Իսրայելի վարչապետ Նեթանյահուի հետ,
միլիարդանոց Հնդկաստանի և Չինաստանի առաջնորդների հետ.
Հետաքրքիր է, որ այդպես Էրդողանն ընդունում է միայն արտասահմանցիներին՝ իր երկրի պաշտոնյաներին, ընդդիմադիրներին, հոգևոր առաջնորդներին կամ բարձրաստիճան սպաներին Թուրքիայի նախագահն ընդունում է սովորական կլոր սեղանի շուրջ, «հավասարը հավասարի պես» շփվելով: Ահա, օրինակ, խորհրդարանի խոսնակ Ջեմալ Չիչեկի ու վարչապետ Դավութօղլուի հանդիպման լուսանկարը.
կամ գլխավոր շտաբի պետ Նեզդեթ Օզելի հետ.
Եթե այս ամենին հավելենք, որ այդպես էր հանդիպումներն անցկացնում նաև Թուրքիայի նախորդ նախագահ Աբդուլլահ Գյուլը, հետաքրքիր պատկեր է ստեղծվում. Թուրքիայի ղեկավարներին դուր է գալիս ժողովրդի առջև ներկայանալ որպես հզոր հովանավոր, որին խոնարհվելու են գալիս աշխարհի առաջնորդները, միաժամանակ երկրի ներսում ներկայանալով որպես արդար ու ազատամիտ: Սակայն, այս քարոզչական ուղերձն այնքան էլ չի կապակցվում իրականության հետ՝ «զրո խնդիրներ հարևանների հետ» կարգախոսը հռչակած քաղաքական գործիչներին «հաջողվել է» հարաբերությունները փչացնել գրեթե բոլոր սահմանակից երկրների հետ և ահաբեկիչներին աջակցելու հետ կապված սկանդալների մեջ խրվել: Իսկ իշխող Արդարության և զարգացման կուսակցության անվան մեջ հռչակված արդարությունն ամեն անգամ վերածվում է քաղաքական սպանությունների, կոռուպցիոն բացահայտումների և ցուցարարների դեմ ուժային գործողությունների: Նիկոլայ Թորոսյան / PanARMENIAN.Net Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |