Հայերեն լեզվով էլեկտրոնային տեքստերի ուղղագրության սրբագրումն այսուհետ խնդիր չէԱյսօրվա դրությամբ սա ուղղագրությունը ստուգելու առավել լիարժեք փաթեթն է, որը հնարավորություն է տալիս ստուգել մինչեւ 570 000 բառ եւ բառաձեւ: Մի քիչ ջանք, երբեմն` նաեւ դրամ, եւ Microsoft Word-ի տեքստերի սրբագրման ծրագրերից օգտվողները կկարողանան ստուգել հայերեն լեզվով տեքստերի ուղղագրությունը: Microsoft ընկերության գրասենյակային ծրագրերի փաթեթին այլընտրանք հանդիսացող անվճար եւ բաց կոդով Open Office փաթեթի համար էլեկտրոնային սրբագրիչ ծրագրերը առայժմ ծրագրավորման փուլում են։ 25 փետրվարի 2010 PanARMENIAN.Net - Microsoft Word 2007-ի օգտվողների համար ամենաակնհայտ ընտրությունը Microsoft Office Language Interface Pack 2007-ի հայկական տարբերակի ներբեռնումն է, որն ընդգրկում է հայերենի էլեկտրոնային տեքստի սրբագրումն ու MS Word-ի ինտերֆեյսը հայերենի փոխելու հնարավորությունը: Հայերենի էլեկտրոնային տեքստի սփելչեկերը (ստուգիչը) իր շատ սահմանափակ բառապաշարով եւ բառաձեւերով հեռու է կատարելությունից, այն ստուգում է միայն Unicode-ով հավաքված հայերեն տեքստերը, այն չի նախատեսում քերականության ստուգում: Մյուս կողմից, ծրագիրն արագ սրբագրում է ուղղագրությունը եւ հարմար է օգտագործման համար: Microsoft Office Language Interface Pack 2007-ը պատրատ էր արդեն նախորդ տարի, եւ մի քանի հազար անգամ ներբեռնվել է Microsoft-ի կայքից: Ըստ Հայաստանում Microsoft-ի ներկայացուցչության տնօրեն Գրիգորի Բարսեղյանի, ծրագրային ապահովման օգտվողների քանակը շուրջ 10 հազար է: «Տեղեկատվությունը սրբագրելու հնարավորությունն այն պատճառներից մեկն է, որը դրդում է շատերին զետեղել Language Interface Pack-ը»,-ասել է Գրիգորի Բարսեղյանը PanARMENIAN.Net ի թղթակցի հետ զրույցում: Նա նշել է, որ հայերեն լեզվով տեքստերի սփելչեկերը կընդգրկվի Microsoft -ի գրասենյակային փաթեթի նոր վարկածում: Հայերենի «Armenian PowerSpell 2009» սփելչեկերը ստուգում է հայերեն տեքստի ուղղագրությունը ինչպես Unicode-ում, այնպես էլ նախորդ ANSI կոդի համակարգում: Այսօրվա դրությամբ սա ուղղագրությունը սրբագրող առավել լիարժեք փաթեթն է, որը հնարավորություն է տալիս սրբագրել շուրջ 570 000 բառ եւ բառաձեւ: Ծրագիրը նախատեսում է նաեւ քերականության ընդհանուր ստուգում: Ծրագրի առավելությունն այն է նաեւ, որ այն աշխատաում է Microsoft Word-ի բոլոր վերջին վարկածների հետ, ի տարբերություն Microsoft Language Pack-ի, որն աշխատում է միայն Office-2007 ձեւաչափի մեջ: Ծրագրի ամենամեծ թերությունը նրա արժեքն է` 7-օրյա անվճար ճանաչողական օգտագործումից հետո, օգտվողները պետք է 9000 դրամ (մոտ 24 դոլար) վճարեն մեկ տարվա լիցենզիայի համար: Ծրագիրը նաեւ չի կատարում MS Word ֆունկցիան` չի սրբագրում ուղղագրությունը տեքստի ներբեռնման դեպքում, ինչը մի փոքր դանդաղեցնում է համակարգի աշխատանքը: Ծրագիրը գործարկվել է նախորդ գարնանից, եւ, չնայած նոր ապրանքի գովազդի բացակայությանը, ըստ ծրագրային ապահովման հեղինակ` ծրագրավորող Արման Բոշյանի, PowerSpell-ը շատ լավ է վաճառվում, արտոնված վարկածը ձեռք են բերել շուրջ 10 000 օգտվողներ, այդ թվում բազմաթիվ հրատարակչություններ ու զանգվածային լրատվության միջոցներ: Հայերեն լեզվով էլեկտրոնային տեքստի ուղղագրության սրբագրման անվճար տարբերակը Open Office 1.1-ի հայերեն տեղայնացման մի մասն է, այն թողարկվել է դեռեւս 2004 թվականին, սակայն այնուհետեւ Տեղեկատվական տեխնոլոգիաների ձեռնարկությունների միությունը (UITE) ստիպված եղավ դադարեցնել նախագիծը ռեսուրսների պակասի պատճառով: Այդ նախագծի արտադրյալ ծրագրերը շարունակում են այդ նախաձեռնությունը բաց կոդով տարբեր նախագծերի շրջանակներում: Open Office-ի վերջին տարբերակի ՏՏ գծով խորհրդատու Ալեքսեյ Չալաբյանն ասում է, որ իրեն հարկավոր է միայն կամավորների, ցանկալի է` բանասիրական բաժանմունքների ուսանողների օգնությունը, շուրջ 45 000 բառ սփելչեկերի բառարանում զետեղելու նախագծի աշխատանքային կոդը բաց կոդով ներկայացնելու համար, ինչը հնարավորություն կտա անվճար ներբեռնել ծրագիրը բոլոր նրանց, ով դրա կարիքն ունի: Ծրագրի բետա-վարկածը գործում է Open Office Writer-ում, այն առնվազն նույնքան հաջողված է, որքան Microsoft-ի սփելչեկերը, եւ, կարծես, ավելի լավ է հայտնաբերում սխալները, քանի որ ալգոռիթմը «ճանաչում է» ինչպես բառերը, այնպես էլ` բառաձեւերը: Բաց կոդով այդ ծրագրի մշակման աշխատանքը չափազանց կարեւորվում է, քանի որ այն ապագայում կարող է ուղղություն տալ մի շարք այլ ծրագրերի համար, ինչպես, օրինակ, Firefix Mozilla վեբ բրաուզերի, Thunderbird փոստային հաճախորդի, մի շարք բաց ելքային տեքստային պրոցեսորների համար, սկսած հաղորդակցությունների վայրկյանական փոխանակումից, մինչեւ` օնլայն խմբագիր: Ալեքսեյ Չալաբյանը լավատեսորեն է տրամադրված: Ըստ նրա, բաց կոդով սփելչեկերի մշակման նախագիծը հնարավոր է ավարտին հասցնել մոտ ապագայում: Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |