Փետրվարի 22-25-ը Բարսելոնայում անցնում է աշխարհի մոբայլ ինդուստրիայի խոշորագույն Mobile World Congress-2016 ցուցահանդեսը: Միջոցառման շրջանակում ՏՏ ոլորտի խոշորագույն ընկերությունները, բջջային կապի օպերատորների ղեկավարները, աշխարհում այդ կոնտենտի վաճառողներն ու սեփականատերերը ներկայացնում են հանրությանը սեփական նորագույն մշակումները: Տարվա գլխավոր թրենդերն են ունիվերսալ հիբրիդային գաջեթները և վիրտուալ իրականության մեջ կիրառման համար նախատեսված սարքերը:

Վերջին տարիներին գնալով մեծ տարածում է ստանում այսպես կոչված կինոտուրիզմը` ճամփորդությունների առանձնահատուկ ձև, որի ժամանակ մարդիկ այցելում են այն վայրեր, որտեղ նկարահանվել են հայտնի կինոֆիլմերը: Օրինակ, ամեն տարի մոտ 300 հազար մարդ Ավստրիա է այցելում միայն տեսնելու համար Ռոբերտ Ուայզի լեգենդար «Երաժշտության հնչյունները» ֆիլմի նկարահանման վայրերը: Այսինքն դեռ կես դար առաջ նկարահանված մյուզիքլը զբոսաշրջիկների կայուն հոսք է ապահովում այդ երկրի համար: Երևանում և Գյումրիում գործող հայկական սկսնակ ընկերությունը մի փոքր այլ մոտեցում է ընտրել. նրա ստեղծած MovieTrip հավելվածն օգնում է գտնել ոչ թե այն վայրերը, որտեղ տեղի են ունեցել այս կամ այն կինոնկարի նկարահանումները, այլ լոկացիաները, որոնց ֆոնին ծավալվում են ֆիլմում նկարագրված իրադարձությունները:

Փոքր Հայաստանը հարուստ է տեսարժան վայրերով, ուստի առաջին անգամ երկիր այցելած զբոսաշրջիկը բավականին բարդ ընտրության առջև է կանգնում: Լայն ընտրության հնարավորությունը հաճախ թույլ չի տալիս կողմնորոշվել, իսկ զբոսաշրջային գործակալությունները հիմնականում առաջարկում են ճանաչված ու ստանդարտ երթուղիներ: Իսկ եթե՞ օտարերկրացին ցանկանում է լինել այն վայրերում, որոնք նախատեսված չեն երթուղով: Դիմե՞լ տարբեր զբոսաշրջային գործակալություններին` կորցնելով թանկարժեք ժամանակը, ստանալով ոչ միանշանակ գնային առաջարկներ և չիմանալով ինչի հետ կարելի է դրանք համեմատել: Ո՞վ կլինի ձեր զբոսավարը և որքանո՞վ պրոֆեսիոնալ: Պատասխանը հետևյալն է` ցավոք, զբոսաշրջիկը դա կարող է պարզել միայն ուղևորության վերջում: Սակայն, անցյալ տարի բացված հայկական ստարտափը մշակել է Localz առցանց հարթակը, որը թույլ է տալիս զբոսաշրջիկներին ձևավորել անհատական տուրեր և ընտրել լավագույն զբոսավարին:

Հայտարարությունն ունեցավ պայթող ռումբի ազդեցություն. բոլոր լրատվամիջոցները Ցանցում ակնարկներ գրեցին այն մասին, որ իրականացել է մեծն Այնշտայնի երազանքը, ով դեռ 100 տարի առաջ կանխատեսել էր գրավիտացիոն ալիքների գոյությունը: Անկասկած, վերջին տասնամյակների գլխավոր գիտական հայտնագործություններից մեկն ահռելի նշանակություն ունի ֆունդամենտալ ֆիզիկայի համար: Եւ այս հայտնագործության լիակատար իմացությունը հասանելի է միայն մասնագետներին:

Փետրվարի 5-ին Երևանում մեկնարկել է Startup Europe Week 2016 Yerevan միջոցառումը, որի նպատակն է համախմբել ՏՏ ոլորտի ներկայացուցիչներին և նպաստել երկրում մեկնարկած սկսնակ ընկերությունների միջավայրի զարգացմանը: Միջոցառմանը մասնակցում են ստարտափերի հայկական էկոհամակարգի գլխավոր «դերակատարները»: Քննարկումների ժամանակ ի հայտ կգան կարևոր խնդիրներն ու խոչընդոտները, որոնց բախվում են ՏՏ ոլորտի սկսնակ ընկերությունները:

Վերջին մի քանի տարիները վճռորոշ էին համակարգչային խաղերի ինդուստրիայի համար: Բջջային հարթակների աճող ճնշումն ու մրցակցությունը ստիպում են «խաղագործներին» ոչ ստանդրատ լուծումներ որոնել` հաճախ հերթական խաղի ստեղծումը վերածելով տևական արտադրական պրոցեսի, որն ավարտվում է կամ նոր գլուխգործոցի թողարկմամբ, կամ լիակատար ձախողմամբ: Տեսախաղերի ինդուստրիայի փոխակերպումը հատկապես նկատելի կլինի ընթացիկ տարում` աճող դիտարժանության հետ մեկտեղ, խաղերը կառաջարկեն գրեթե ամբողջական ընկղմում գործընթացի մեջ: Դրան կնպաստի վիրտուալ իրականության տեխնոլոգիայի վերածնունդը, որի համար խաղերը նոր-նոր են ստեղծվում տարբեր ստուդիաների ընդերքում:

ՏՏ ոլորտի սրընթաց զարգացումը Հայաստանում և նորանոր ընկերությունների ստեղծումն անխուսափելիորեն բարձր որակավորում ունեցող մասնագետների պահանջարկ են ստեղծում, որին առաջարկը չի համապատասխանում: Չէ որ մասնագիտացումն առաջին քայլն է միայն` ժամանակակից աշխարհում պահանջված լինելու համար պետք է անդադար կատարելագործվել: Խնդրի լուծման համար ստեղծվում են ուսուցման և վերապատրաստման հատուկ հարթակներ, որից մեկը Հայ-հնդկական տեղեկատվական և հեռահաղորդակցության տեխնոլոգիաների գերազանցության կենտրոնն է:

Ժամանակակից աշխարհում պարենային անվտանգության խնդիրը շատ արդիական է: Գլոբալ կլիմայական փոփոխություններն ու բնակչության թվաքանակի մշտական աճը ստիպում են գիտնականներին գյուղատնտեսության օպտիմալացման նորանոր միջոցներ մշակել` նվազագույն ծախսով հնարավորինս մեծ բերք ստանալու ակնկալիքով: Այսպես կոչված «ավանդական» գյուղատնտեսությունը դադարում է արդյունավետ լինել: Նոր լուծումներ է առաջարկում նաև բարձր տեխնոլոգիաների ոլորտը` օգտագործելով մարդկային մտքի վերջին նվաճումները: Հայկական Eco Technology սկսնակ ընկերությունը, հիմք ընդունելով նորագույն մշակումները պոլիմերիզացիայի ոլորտում, ստեղծել է AquaSource կոչվող պրոդուկտը:

Հավանաբար, շատերն են նկատել, որ բջջայինով երկար խոսելիս ջերմության զգացողություն է առաջանում ականջում: Դա էլեկտրամագնիսական դաշտի ազդեցության հետևանք է, որն առաջացնում է հեռախոսի հաղորդիչը:

Բարձր տեխնոլոգիաների ոլորտը Հայաստանում երկրի տնտեսության զարգացման անկյունաքարն է: Այն կախված չէ օգտակար հանածոների առկայությունից, չի տուժում փակ սահմաններից և տարածաշրջանում տնտեսության վիճակից: Միակ բանը, ինչ անհրաժեշտ է, բարձ որակավորում ունեցող մասնագետներն են, որոնք ունակ են մշակել սեփական արտադրանքն ու առաջ մղել այն համաշխարհային մասշտաբով: Եզակի մշակումների շնորհիվ 2015-ին ՏՏ ոլորտի հայկական ընկերությունները կարողացան իրենց ուրույն տեղը նվաճել համաշխարհային նորարարական լուծումների քարտեզում: