  Հայաստանը ՀԲ-ից լրացուցիչ 150 մլն դոլար կստանա բարեփոխումների իրականացման համար 31 մարտի 2012 - 15:51 AMT PanARMENIAN.Net - Միջազգային ֆինանսական կառույցները դրական են գնահատում այն պարտավորությունների կատարումը, որոնք Հայաստանը ստանձնել է համագործակցության շրջանակում: Նման հայտարարությամբ հանդես է եկել ՀՀ վարչապետ Տիգրան Սարգսյանը` ելույթ ունենալով մարտի 31-ին կառավարությունում Հայաստանի ազգային մրցունակության հիմնադրամի հոգաբարձուների խորհրդի հերթական նիստում: Մասնավորապես, նրա խոսքով, ԱՄՀ-ն գնահատել է Հայաստանի ֆինանսական ոլորտը, և փարատվել են ֆինանսական հատվածում առկա ռիսկերի վերաբերյալ մտահոգությունները: «Բավականին դրական եզրակացություններ են տրվել մեր մակրոտնտեսական կայունության, ֆինանսական ոլորտի, բանկային համակարգի և վերահսկողության բնագավառի վերաբերյալ, ինչը մեզ համար կարևոր էր: Այժմ ավելի հանգիստ կարող ենք նայել դեպի ապագան»,- ասել է գործադիրի ղեկավարը: Վարչապետի խոսքով` Համաշախարհային բանկը ևս դրական է գնահատել Հայաստանի կատարողականը երկկողմ ծրագրերի իրականացման գործում: «Դա նշանակում է, որ Համաշխարհային բանկում առաջացող ավելցուկային ֆինանսական միջոցները կվերաբաշխվեն ի օգուտ մեզ և մենք կստանանք մոտ 150 մլն դոլարի լրացուցիչ ֆինանսավորում, որը կօգնի բարեփոխումների իրականացման գործում»,- ասել է նա: Դրա հետ մեկտեղ Տիգրան Սարգսյանը գոհունակություն է հայտնել նաև Եվրոպական վերակառուցման և զարգացման, ինչպես նաև Ասիական զարգացման բանկերի հետ համագործակցության արդյունքներից: Մասնավորապես, Ասիական զարգացման բանկի հետ համագործակցությամբ 500 մլն դոլարի շրջանակներում կիրականացվեն «Հյուսիս-Հարավ» ավտոճանապարհի կառուցման աշխատանքները:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր G7-ի երկրները կոչ են արել Բաքվին կատարել հումանիտար իրավունքի իր պարտավորությունները  Նրանք նաև կոչ են արել Երևանին և Բաքվին հավատարիմ մնալ խաղաղ գործընթացինftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասինԼավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը»Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |
