Կառավարությունը հաստատել է Իրան-Հայաստան նավթատարի տեխնիկական կանոնակարգը

12 ապրիլի 2012 - 11:55 AMT

PanARMENIAN.Net - ՀՀ կառավարությունը ապրիլի 12-ի նիստի ընթացքում հաստատել է Իրան-Հայաստան նավթատարի շահագործման կանոնակարգը:

Այս առնչությամբ ՀՀ վարչապետ Տիգրան Սարգսյանը կարևորել է Իրան-Հայաստան նավթատարի շինարարության համար տեխնիկական կանոնակարգի նախնական հաստատումը:

Հայաստանը և Իրանը մտադիր են մինչև 2014-ը կառուցել 8 դյույմ լայնությամբ 365 կմ-անոց նավթամթերատար կառուցել: Այդ ծրագրի շուրջ պայմանավորվածության կողմերը հանգել են հունվարին Ալիրեզ Զեյգամիի՝ Երևան կատարած այցի շրջանակներում:

Իրան-Հայստան նավթատարը, որը ծրագրվում է կառուցել մինչև 1014թ, թույլ կտա Հայաստանին նավթամթերք ստանալ ոչ միայն Իրանի նավթազտարաններից, այլ նաև Պարսից ծոցից, որտեղ այսօրվա դրությամբ գտնվում է աշխարհում թվով երկրորդ բորսան, որտեղ վաճառվում է տարբեր որակի նավթամթերք:

Այդ մասին փետրվարի 15-ին Երևանում կայացած մամլո ասուլիսում լրագրողներին է ասել ՀՀ էներգետիկայի ու բնապահպանության նախարար Արմեն Մովսիսյանը:

Այդ համատեքստում նախարարը պարզաբանել է, որ Հայաստանը կկարողանա օգտվել բորսայում գործող գներից, որոնք զգալիորեն տարբերվում են միջերկրածովյին գներից և զգալիորեն կրճատել տրանսպորտային ծախսերը:

Ինչ վերաբերում է ներդրումներին տնտեսական տեսակետից շահավետ նախագծում, ապա, ըստ Արմեն Մովսիսյանի, ներդրողներ կգտնվեն, հնարավոր է նաև ֆինանսավորում Հայաստանի պետական միջոցների հաշվին:

Նավթատարի շինարարությունը Հայաստանի տարածքում կֆինանսավորի հայկական կողմը, իսկ Իրանի տարածքում՝ իրանական կողմը:

Նավթատարի շահագործման մասին պայմանագիրը կկնքվի 25 տարով: Ինչպես հայտնել է նախարարը, Հայաստանի ներքին սպառման պահանջարկը կազմում է տարեկան 400 հազար տոննա: