Հունգարական դիվանագիտական գործակալություն. Ալիևն ուղղակի խաբեց Օրբանին10 սեպտեմբերի 2012 - 17:04 AMT PanARMENIAN.Net - Միջազգային հարաբերությունների հունգարական ինստիտուտի գաղտնի փաստաթուղթը, որը գտնվում է nol.hu կայքի տրամադրության տակ, վկայում է այն մասին, որ Ադրբեջանը մոլորեցրել է Հունգարիայի իշխանություններին` կապված Ռամիլ Սաֆարովի արտահանձնման հետ, հաղորդում է Politics.hu-ն: Ինստիտուտի ղեկավար Բոտոնդ Զակոնին հայտարարել է, որ այդ փաստաթղթի հրապարակումը «ցանկալի չէ»: Նրա խոսքով, ինստիտուտը, որը միջազգային հարաբերությունների պետական գործակալություն է, կանոնավոր կերպով նման հաշվետվություններ է նախապատրաստում հունգարական արտաքին քաղաքականության առանցքային հարցերի շուրջ: Ինչպես նշվում է հաշվետվությունում, Հունգարիայի վարչապետ Վիկտոր Օրբանը հանդիպել է Ադրբեջանի նախագահ Իլհամ Ալիևի հետ Սաֆարովի արտահանձնման հարցը քննարկելու համար: Ալիևը խոստացել է, որ Սաֆարովը կշարունակի պատիժը կրել հայրենիքում: Սակայն Սաֆարովն Ադրբեջանում անհապաղ ներում է ստացել և ազատ արձակվել: Հունգարիան երկու օր անց դիվանագիտական նոտայի միջոցով արտահայտել է իր բողոքը, բայց Հայաստանը, չնայած դրան, խզել է Հունգարիայի հետ դիվանագիտական հարաբերությունները: Փաստաթղթի հեղինակները հանգել են հետևության, որ Հունգարիան չափազանց զարմացել է Սաֆարովին ազատ արձակելու փասռից, և նրանից պահանջվել է 24 ժամ, որպեսզի ձևակերպի իր դիրքորոշումն այս հարցի վերաբերյալ: Նաև նշվում է, որ Բաքուն փորձել է Սաֆարովին արտահանձնելու դիմաց Բուդապեշտի հետ ինչ-որ գործարքի կեղծ տպավորություն ստեղծել. «Ադրբեջանը կարևոր է Հունգարիայի համար, ուստի Բուդապեշտը բացահայտորեն չի հայտարարում, որ Ալիևը մոլորության մեջ է գցել Օրբանին»: Ինստիտուտի փորձագետները ենթադրում են, որ Հունգարիայի իշխանությունները պետք է որոշակի ռազմավարություն իրականացնեն, որպեսզի համաշխարհային հանրությանը հասկացնել տան, որ իրենք պատասխանատվություն չեն կրում Ռամիլ Սաֆարովին ազատ արձակելու համար: «Մենք պետք է խոսենք թյուրիմացության մասին»,- ասվում է հաշվետվությունում: Փաստաթղթում նաև նշվում է, որ Հունգարիայի և Հայաստանի հարաբերությունները որոշ ժամանակ կսառեցվեն, բայց ավելացվում է, որ միջնաժամկետ հարաբերությունները պետք է համառ ջանքերով վերականգնվեն: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Օգոստոսի 31-ին Սաֆարովը Հունգարիայի կողմից արտահանձնվեց Ադրբեջանին, որտեղ անհապաղ ներում ստացավ՝ նրան շնորհվեց մայորի կոչում, նոր բնակարան, վճարվեց 8 տարվա աշխատավարձը: Ի պաստասխան Հայաստանը կասեցրեց դիվանագիտական հարաբերությունները Հունգարիայի հետ: Մինչդեռ հունգարական կողմը պնդում է, որ Բաքուն հավաստիացումներ է տվել, որ Սաֆարովը կշարունակի կրել պատիժն Ադրբեջանում, ոչ պակաս քան 25 տարի: Ըստ որոշ տվյալների Սաֆարովն արտահանձնվել է Ադրբեջանի կողմից 2-3 մլրդ եվրոյի պարտատոմսեր գնելու Բաքվի խոստման դիմաց: Պաշտոնական Բուդապեշտը դա հերքում է: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |