Արամի և Բուզանդ փողոցներում բնակարանների առուվաճառքի գործով նոտար Ա. Մելքոնյանի գործունեությունը կասեցվել է30 հունվարի 2013 - 17:55 AMT PanARMENIAN.Net - ՀՀ արդարադատության նախարար Հրայր Թովմասյանը հայցադիմում է ներկայացրել ՀՀ վարչական դատարան՝ ընդդեմ Կենտրոն նոտարական տարածքի նոտար Ալվարդ Մելքոնյանի, «Նոտարիատի մա¬սին» ՀՀ օրենքի 17-րդ հոդվածի 2-րդ մասի 3-րդ և 4-րդ կետերի հիմքով նրան նոտարի պաշտոնից ազատելու վերաբերյալ: Հայցադիմումի հետ միաժամանակ հայցի ապահովման միջնորդություն է ներկայացվել վարչական դատարան՝ նոտար Ալվարդ Մելքոնյանի կողմից նոտարական գործողությունների կատարումն արգելելու վերաբերյալ, որը ՀՀ վարչական դատարանի 17.01.2013թ.-ի որոշմամբ բավարարվել է: Նշված որոշման հիման վրա ՀՀ արդարադատության նախարարի հրամանով Կենտրոն նոտարական տարած¬քի նոտար Ալվարդ Մելքոնյանի նոտարական գործունեությունը կասեցվել է: Դեռ 2012-ի կեսերին քաղաքացի Սոնիկ Մաղաքյանը և մի շարք այլ քաղաքացիներ բողոք էին ներկայացրել ՀՀ արդարադատության նախարարություն Ալվարդ Մելքոնյանի գործողությունների դեմ՝ կապված Արամի փողոց 72-80 հասցեում գտնվող նորակառույց շենքի բնակարանների նախնական առուվաճառքի պայմանագրերի կնքման (վավերացման) հետ: Արամի և Բուզանդի փողոցների նախկին բնակիչները պնդում էին, որ նույն բնակարանը նույն նոտարի` Կենտրոնական նոտարական գրասենյակի նոտար Ալվարդ Մելքոնյանի ձեռքով վաճառվել է մի քանի անձնավորության: Արդարադատության նախարարությունից հայտնել էին, որ քաղաքացիների բողոքների հիման վրա իրականացված ուսումնասիրության արդյունքում նախարարի հրամանով կարգապահական վարույթ է հարուցվել նոտարի նկատմամբ: Վարույթի արդյունքում, որպես կագապահական տույժ, կիրառվել է գործունեության կասեցում՝ 2012թ. հունիս 30-ից մինչև դեկտեմբերի 28-ը ներառյալ: «Խիստ եմ լինելու բոլոր նոտարների նկատմամբ, սակայն երբեք չեմ միջամտելու նրանց բուն գործունեությանը»,- ՀՀ նոտարական պալատի բացման արարողության ժամանակ ասել էր Արդարադատության նախարար Հրայր Թովմասյանը և ավելացրել, որ Ալվարդ Մելքոնյանի դեպքը զգաստացնելու է բոլոր նոտարներին: Արդարադատության նախա¬րարի մեկ այլ հրամանով Կենտրոն նոտարական տարած¬քի նոտար Ալվարդ Մելքոնյանի նոտարական սպասարկման լիա¬զորությունները մինչև դատաքննությանը ավարտը դրվել են Կենտրոն նոտարական տարած¬քի նոտարներ Էմմա Շաբոյանի և Նունե Սարգսյանի վրա: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Իռլանդիան, Նորվեգիան և Իսպանիան պաշտոնապես ճանաչել են Պաղեստինը Իսրայելը հետ է կանչել այդ երկրներում իր դեսպաններին խորհրդակցությունների համար ԱԺ նախագահ․ Ալմաթիի հռչակագրի մասին դրույթը խաղաղության պայմանագրում ամրագրելու շուրջ համաձայնություն դեռ չկա Նա նշել է, որ քննարկումները շարունակվում են Վիզլեր․ Ռազմագերիների ազատ արձակումը նախապայման է խաղաղության հասնելու համար Նա հավելել է, որ Լյուքսեմբուրգը ողջունում է Հայաստանում իրականացվող ժողովրդավարական բարեփոխումները Փաշինյանը հանդիպել է Իրանի հոգևոր առաջնորդին Նա կմասնակցի իրանցի զոհված պաշտոնյաների և նրանց ուղեկցողների հարգանքի տուրքի արարողությանը |