Աշխատավարձը Հայաստանում աճում է, իսկ աղքատությունը չի նվազում21 հոկտեմբերի 2013 - 17:28 AMT PanARMENIAN.Net - Հայաստանում միջին ամսական աշխատավարձը 2013 թ. սեպտեմբերին կազմել է 150 130 դրամ՝ 2012 թվականի նույն ժամանակահատվածի համեմատ ավելանալով 5,8 տոկոսով: Ընդ որում սեպտեմբերին՝ օգոստոսի համեմատ աշխատավարձի մակարդակը նվազել է 0,3 տոկոսով: Միաժամանակ 2013 թ հունվար-սեպտեմբերին աշխատավարձը կազմել է 146 367 դրամ, ինչն ավելի է 2012 թ. նույն ժամանակահատվածի ցուցանիշից 4 տոկոսով: Ինչպես հայտնում է Ազգային վիճակագրական ծառայությունը, պետական հաստատություններում միջին ամսական աշխատավարձը սեպտեմբերին 2012 թվականի նույն ժամանակահատվածի համեմատ աճել է 3,9 տոկոսով՝ կազմելով 119 403 դրամ, իսկ սեպտեմբերին 2013 թ. օգոստոսի համեմատ աճը կազմել է 2,5 տոկոս՝ 116 536 դրամ: Ոչ պետական կազմակերպություններում միջին աշխատավարձի աճը 2013 թ. սեպտեմբերին՝ 2012 թվականի նույն ժամանակահատվածի համեմատ կազմել է 8,7 տոկոս, հասնելով 183 997 դրամի: Ըդն որում սեպտեմբերին 2013 թվականի օգոստոսի համեմատ 1.5 տոկոս անկում է գրանցվել: Միաժամանակ 2013 թ հունվար-սեպտեմբերին՝ 2012 թվականի նույն ժամանակահատվածի համեմատ աշխատավարձի աճը կազմել է 6,4 տոկոս՝ 180 233 դրամ: Կառավարության 2013-2017 թթ. ծրագրով նախատեսվում է նվազագույն աշխատավարձի ամենամյա բարձրացում: Ըստ ծրագրի 2014 թ. նվազագույն աշխատավարձը կկազմի 50 հազար դրամ, 2015-ին՝ 55 հազար, 2016-ին՝ 62,5 հազար, իսկ 2017 թ.՝ 70 հազար դրամ: «Նվազագույն ամսական աշխատավարձի մասին» ՀՀ օրենքի համաձայն 2013 թ. հուլիսի 1-ից նվազագույն ամսական աշխատավարձը բարձրացել է 30 տոկոսով՝ կազմելով 45 հազար դրամ, ինչը պահանջեց պետբյուջեից լրացուցիչ 6 մլրդ դրամ: Աշխատավարձերի հաշվարկի նոր համակարգը կներմուծվի 2014 թ. հունվարի 1-ից, ինչը բյուջեից կպահանջի լրացուցիչ 50 մլրդ դրամ: Օգոստոսի 28-ին ՀՀ նախագահ Սերժ Սարգսյանը կրթության ու գիտության նախարարության ղեկավար կազմի հետ հանդիպմանը հայտարարեց, որ 2017 թ. նվազագույն աշխատավարձը կկազմի 90 հազար դրամ: Այնուամենայնիվ, ըստ ՀԲ տվյալների Հայաստանի բնակչության 32,5 տոկոսը աղքատության շեմից ցածր է ապրում: Իրականում աղքատության մակարդակը Հայաստանում կարող է ավելին լինել: ՀՀ ՀՆԱ անձի չափով միջին ցուցանիշը ընդամենը 3 հազար դոլար է կազմում: Ըստ վարչապետ Տիգրան Սարգսյանի, ժողովրդավարական հասարակություն կառուցելու համար հարկավոր է, որ այդ ցուցանիշը լինի 12 հազար դոլարից բարձր: Ըստ ՀՀ ֆինանսների նախարարության, աղքատության մակարդակը Հայաստանում 2012 թվականին կազմել է 33,1 տոկոս, իսկ ծայրահեղ աղքատներինը՝ 2,8 տոկոս: Ըստ կանխատեսումների 2013 թվականի աղքատության մակարդակը երկրում կազմում է 32,1 տոկոս, ծայրահեղ աղքատներինը՝ 2,7 տոկոս, երբ աղքատության շեմը համարվում է 37 468 դրամը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |