Շվեյցարիայի ԱԳՆ. Վիեննայի հանդիպումից հետո Ադրբեջանի ու Հայաստանի նախագահների շփումներն ինտենսիվ են դարձել16 հունվարի 2014 - 16:21 AMT PanARMENIAN.Net - Ադրբեջանական ու հայկական զորքերի շփման գծում միջադեպերը մտահոգում են: Այդ մասին ԵԱՀԿ գործող նախագահ, Շվեյցարիայի ԱԳ նախարար Դիդիե Բուրկհալթերը հայտարարել է ԵԱՀԿ Մշտական խորհրդի նիստում ելույթին: «Վիեննայի հանդիպումից հետո Ադրբեջանի ու Հայաստանի նախագահների շփումներն ավելի ինտենսիվ են դարձել: Վերջին շաբաթներին ավելացել է հուսադրող գործոնների քանակը ղարաբաղյան կարգավորման գործում»,- ասել է նա: Բուրկհալթերը նաև նշել է, որ Շվեյցարիայի նախագահությունն ԵԱՀԿ-ում սատարում է ՄԽ ջանքերին: Ըստ նրա, ԵԱՀԿ նախագահի անձնական ներկայացուցիչ Անջեյ Կասպշիկը կքաջալերի կապերի հաստատումն Ադրբեջանի ու Հայաստանի քաղաքացիական հասարակությունների ու փորձագետների միջև: Շվեյցարիան ԵԱՀԿ-ում նախագահում է 2014-ի հունվարի 1-ից: Ինչպես նշել է Դիդյե Բուկհալթերը, կառույցի նախագահությունը ստանձնելը մեծ պատասխանատվություն է, ինչպես նաև, որ տարվա ընթացքում պատրաստվում են ուշադրություն դարձնել ԵԱՀԿ-ի անվտանգությանն ու կայունությանը։ Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: ԵԱՀԿ Մինսկի խումբ Մինսկում Լեռնային Ղարաբաղի վերաբերյալ միջազգային համաժողով հրավիրելու մասին որոշումն ընդունվեց 1992թ. մարտի 24-ին ԵԱՀԿ անդամ երկրների Նախարարների Խորհրդի արտակարգ նիստի ժամանակ: Մինսկի համաժողովի պատրաստման գործընթացի մեջ ներգրավված երկրները` Բուլղարիան, Գերմանիան, Իտալիան, Ռուսաստանը, ԱՄՆ-ն, Թուրքիան, Ֆրանսիան, Չեխոսլովակիան, Շվեդիան, կազմեցին Ադրբեջանի ու Հայաստանի միջեւ զինված հակամարտության կարգավորման Մինսկի շփման խումբը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |