ԱՄՆ կոնգրեսականները միացել են Գուրգեն Մարգարյանի սպանության 10-ամյակին նվիրված բողոքին20 փետրվարի 2014 - 12:16 AMT PanARMENIAN.Net - Կոնգրեսականներ Ադամ Շիֆը, Դևիդ Սիսիլինն ու ԱՄՆ Կոնգրեսի Հայաստանի աջակցության խմբի համանախագահ Ֆրենկ Փալոունը միացել են համայն հայությանը՝ ներողություն պահանջելով Ադրբեջանից Բուդապեշտում 2004 թ. փետրվարի 19-ին հայ սպա Գուրգեն Մարգարյանի սպանության համար, որի մարդասպան Ռամիլ Սաֆարովին Բաքուն ներում շնորհեց ու պարգևատրեց: Այդ մասին հայտնում է Ամերիկայի Հայ Դատի հանձնախումբը (ANCA): Ըստ ANCA գործադիր տնօրեն Արամ Համբարյանի, ՀՅԴ երիտասարդական թևի ակտիվիստների շնորհիվ խաղաղության ու արդարության ուղերձը տարածվեց ինտերնետով մեկ՝ Twitter, Facebook և Instagram ցանցերում: ՀՅԴ երիտթևը քարոզարշավ է անցկացրել ԱՄՆ-ում ու Կանադայում՝ բարձրացնելու համար Գուրգեն Մարգարյանի սպանության մասին իրազեկվածության աստիճանը: 2012 թվականի օգոստոսի 31-ին Հունգարիան Սաֆարովին արտահանձնեց Ադրբեջանին, որտեղ նրան որպես հերոս դիմավորեցին: Նախագահ Իլհամ Ալիևը հրամանագիր ստորագրեց նրան ներելու մասին, վճարեց 8 տարվա աշխատավարձը և բարձրացրեց նրա զինվորական կոչումը: Ադամ Շիֆը Twitter-ում գրել է, որ «ադրբեջանցի սպա Ռամիլ Սաֆարովն երբեք չպետք է ազատվեր հայ սպայի սպանության համար պատասխանատվությունից #Justice4Margaryan»: ANCA համատեղ հայտարարության մեջ Ադամ Շիֆը նշել է, որ «սպանությունից 10 տարի անց Սաֆարովը պետք է բանտում նստի, սակայն անհասկանալի պատճառներով նա արտահանձնվեց Հունգարիայից Ադրբեջանին: Ադրբեջանական բանտում պատիժ կրելու փոխարեն նրան ներում շնորհվեց, նա մայորի կոչում ստացավ, 8 տարվա աշխատավարձը: Բաքվում նրան որպես հերոսի դիմավորեցին»: Ներկայացուցիչների պալատի անդամ Սիսիլինը նույնպես գրառում է կատարել Twitter-ում. «Մենք հարգում ենք Գուրգեն Մարգարյանի հիշատակը և կրկին հաստատում ենք նվիրվածությունը #Justice4Margaryan»: Կոնգրեսականներին միացել է նաև Ֆրենկ Փալոունը, որը նշել է, որ Ադրբեջանի գործողությունները մեկ անգամ ևս հաստատում են նրա ցանկությունը նպաստել ու արդարացնել բռնությունը Հայաստանի և նրա ժողովրդի հանդեպ»: Բոլոր թվիթները Մարգարյանի հիշատակին կարելի է գտնել #Justice4Margaryan որոնման օգնությամբ: 2012-ի օգոստոսի 31-ին Հունգարիան Ադրբեջանին արտահանձնեց ոճրագործին: Հայրենիքում Սաֆարովին ներում և հերոսի կոչում շնորհեցին, ինչպես նաև բնակարան տվեցին ու վճարեցին 8 տարվա համար նախատեսված աշխատավարձը: Ի պատասխան Հայաստանը խզեց դիվանագիտական հարաբերությունները Հունգարիայի հետ: Ինչպես պնդում է Բուդապեշտը, մինչև Սաֆարովի արտահանձնումն Ադրբեջանը Հունգարիային երաշխիքներ էր տվել, որ նրա ցմահ ժամկետը դատարանը կարող է փոխել ազատազրկման այլ ժամկետով կամ պայմանական պատիժով միայն առնվազն 25 տարի բանտում անցկացնելուց հետո: Համաշխարհային հանրությունը խիստ քննադատության ենթարկեց Բուդապեշտին Սաֆարովի արտահանձնման համար, իսկ Բաքվին՝ նրան ապօրինի ազատելու համար: Ըստ որոշ աղբյուրների, Սաֆարովն արտահանձնվել է 2-3 մլրդ եվրո գումարի հունգարական պետպարտատոմսերը գնելու Բաքվի խոստման դիմաց: Պաշտոնական Բուդապեշտը հերքում է այդ մեղադրանքները: ԱՄՆ Կոնգրեսի Հայաստանին աջակցության խմբի համանախագահ Ֆրենկ Փալոունը սեպտեմբերին մեկնաբանել է հայ սպայի մարդասպանի արտահանձնումն ու ներումը: «Ադրբեջանի նախագահի հրամանագիրը Սաֆարովին ներելու մասին աղաղակող փաստ է: Նման գործողություններն անհարիր են կառավարությանը, եթե այն հավատարիմ չէ արդարությանն ու խաղաղությանը: Ցավոք, ադրբեջանական կառավարության այդ քայլերը նպատակ ունեն արդարացնելու բռնությունը Հայաստանի և նրա ժողովրդի հանդեպ»,-հայտարարել է Ֆրենկ Փալոունը: ԱՄՆ Ազգային անվտանգության խորհրդի մամուլի քարտուղար Թոմմի Վիետորը նույնպես անդրադարձել էր այդ հարցին: «Նախագահ Օբաման լրջորեն մտահոգված է այն հաղորդագրություններով, որ Ադրբեջանի նախագահը ներում է շնորհել մարդասպան Ռամիլ Սաֆարովին: Մենք մեր հիասթափությունն ենք հայտնել Ադրբեջանի իշխանություններին Սաֆարովի վերաբերյալ որոշման առնչությամբ, որը հակասում է տարածաշրջանում լարվածության նվազեցմանն ու հաշտեցմանն ուղղված ջանքերին: ԱՄՆ-ն բացատրություններ է ակնկալում նաև Հունգարիայից Սաֆարովին Ադրբեջանին արտահանձնելու վերաբերյալ»: ԱՄՆ պետդեպարտամենտը նույնպես դեմ էր արտահայտվել Սաֆարովի արտահանձնմանը: «ԱՄՆ-ն մտահոգված է Սաֆարովի արտահանձնման վերաբերյալ հաղորդագրությունով: Մենք նաև բացատրություններ ենք ակնկալում Հունգարիայից»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |