EFSE-ն աջակցում է Արարատբանկին միկրո և փոքր բիզնեսի վարկավորման գործում 19 հունիսի 2014 - 14:14 AMT PanARMENIAN.Net - Հարավ-արևելյան Եվրոպայի Եվրոպական հիմնադրամը (EFSE) ընդլայնել է գործակցությունն Արարատբանկի հետ, տրամադրելով 12 մլն ԱՄՆ դոլարի փոխառություն, որը նախատեսված է Հայաստանում միկրո և փոքր ձեռնարկատիրության (ՄՓՁ) վարկավորման համար: Լինելով EFSE-ի գործընկեր վարկային հաստատություն, Արարատբանկը միշտ աջակցել է Հիմնադրամի թիրախային խմբին՝ միկրո և փոքր ձեռնարկություններին, դրանով իսկ խթանելով երկրի տնտեսական զարգացումը: Նոր փոխառությունը հնարավորություն կտա Բանկին վարկեր տրամադրել մարման ավելի երկար ժամկետով և կաջակցի նրան ՄՓՁ վարկավորման պայմանների բարելավման հարցում: «Քառամյա համագործակցության ընթացքում Արարատբանկը դրսևորել է իրեն որպես EFSE հուսալի և հաջողակ գործընկեր,-ասաց EFSE-ի տնօրենների խորհրդի նախագահ Մոնիկա Բեկը:-Աջակցելով Բանկին երկարաժամկետ վարկերի տրամադրման հարցում՝ EFSE-ն առաջիկայում ևս կշարունակի միկրո և փոքր ձեռնարկությունների ֆինանսավորման իր առաքելությունը»: «Այս վարկն արդեն չորրորդն է, ինչը վկայում է Արարատբանկի ու Հարավ-արևելյան Եվրոպայի Եվրոպական հիմնադրամի կայուն գործակցության մասին: Մեր նախորդ համաձայնագրերի շրջանակում մենք վարկեր ենք տրամադրել միկրո և փոքր ձեռնարկությունների ֆինանսավորման 967 նախագծի համար: EFSE-ի միջոցները թույլ տվեցին մեզ երկարաժամկետ վարկեր առաջարկել մեր հաճախորդներին ընդունելի և շահավետ պայմաններով, ինչպես նաև դիվերսիֆիկացնել մեր վարկային պորտֆելը»,-հավելեց Արարատբանկի վարչության նախագահ Աշոտ Օսիպյանը: Նա նաև ողջունեց EFSE-ի Զարգացման բաժնի արդյունավետ գործունեությունը, որը տեխնիկապես աջակցել է ռիսկերի կառավարման համակարգի, բաժանմունքների կառավարման, ինչպես նաև ներքին աուդիտի համակարգի բարելավմանը: Հատկացված փոխառությունն օգտագործվելու է 5-ամյա մարման ժամկետով 10-11-տոկոսանոց ենթավարկերի տրամադրման համար: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա Վարչապետ․ Տավուշի համայնքներից մարդիկ կներգրավվեն սահմանազատման աշխատանքային խմբում Փաշինյանի խոսքով` այժմ մեր լարվածությունն ավելի շատ Կիրանց և Բերքաբեր համայնքների հետ է կապված |