Etihad Airways-ը կանոնավոր թռիչքներ է սկսում. Առաջին ինքնաթիռն Աբու Դաբիից վայրէջք է կատարել Երևանում 3 հուլիսի 2014 - 16:34 AMT PanARMENIAN.Net - Արաբական Միացյալ Էմիրությունների ազգային ավիափոխադրող՝ Etihad Airways ավիաընկերությունը կանոնավոր թտիչքներ կիրականացնի դեպի Հայաստան: EY298 թռիչքն այսօր՝ հուլիսի 3-ին, վայրէջք կատարեց Երևանի «Զվարթնոց» միջազգային օդանավակայանում, որով էլ մեկնարկել է ավիաընկերության նոր` շաբաթական չորս անգամ ծառայություններին Աբու Դբիի և Երևանի միջև: Աբու Դաբի-Երևան նոր երթուղին սպասարկելու է երկրորդ դասի A320 Էյրբաս օդանավը, որը նախատեսված է 136 ուղևորի, ներառյալ՝ բիզնես-դասի 16 ուղևորի և էկոնոմ-դասի 120 ուղևորի համար: Etihad Airways-ի վաճառքի գծով ավագ փոխնախագահ Ջեյմս Մյուլերն ասաց, որ նոր թռիչքները նպատակաուղղված են ԱՄԷ-ի և Հայաստանի միջև առկա մեծածավալ և աճող պահանջարկի բավարարմանը, ինչպես նաև՝ աշխարհի տարբեր պետություններում գտնվող այն քաղաքներին, որոնցում շատ են հայերը, հատկապես՝ ԱՄՆ-ին, որտեղ հայկական սփյուռքի ավելի քան 1.5 միլիոն ներկայացուցիչ են բնակվում: «Ողջունելի է, որ Etihad Airways-ի ուղղությունների ընդլայնվող ցանցն այժմ ընդգրկում է նաև Երևանը. այս փաստով վերահաստատվում է զարգացող շուկաների նկատմամբ մեր կողմից դրևորվող հանձնառու վերաբերմունքը: Էլ ավելի կարևոր է, թերևս, որ ավիաընկերության նոր թռիչքները գործարարության և հանգստի նպատակով ճանապարհորդող անձանց համար կբարելավեն Հայաստանի և Հայաստանից մեկնելիս՝ այլ ուղղությունների հասանելիությունը, Աբու Դաբիում գտնվող մեր բազայի միջոցով նրանց համար լավագույնս կազմակերպելով տարանցիկ փոխադրումները թե′ Պարսից Ծոցի քաղաքներ, թե′ Հյուսիսային Ամերիկայի կարևորագույն քաղաքներ»,- ասաց Մյուլերը: Etihad Airways-ը ներկայումս ամենօրյա թռիչքներ է իրականացնում դեպի Լոս Անջելոս, Չիկագո և Վաշինգտոն: Օրվա մեջ երկու թռիչք է մեկնում Նյու Յորք: Դեկտեմբերի 3-ից ավիաընկերությունը կսկսի ուղիղ չվերթներ դեպի Դալլաս: Հայաստանի էկոնոմիկայի նախարարի տեղակալ Սերգեյ Ավետիսյանը նշեց. «Հայաստանի Կառավարության որդեգրած Բաց երկնքի քաղաքականության շրջանակում ուրախ ենք, որ Etihad Airways-ը սկսել է չվերթներ Երևան, և վստահ ենք, որ դա կնպաստի Հայաստանի ներգնա զբոսաշրջության զարգացմանը և կխթանի տնտեսական և առևտրային կապերն ԱՄԷ-ի և Հայաստանի միջև: Առևտրաշրջանառությունն ԱՄԷ-ի և Հայաստանի միջև զգալիորեն աճել է վերջին տարիներին, որի շնորհիվ ԱՄԷ-ն դասվել է Հայաստանի արտաքին առևտրի կարևորագույն գործընկերների շարքում և Հայաստանի արտաքին առևտրի խոշորագույն գործընկերը Պարսից Ծոցի տարածաշրջանում»: «Նոր ծառայությունը հիմնվում է Հայաստանի և ԱՄԷ միջև արդեն իսկ գործող թռիչքների վրա` ապահովելով մուտք դեպի ավիաընկերության Աբու Դաբիի բազա և հնարավորություն ստեղծում զարգգացնելու էլ ավելի ընդգրկուն առևտրային կապեր ՀՀ և աշխարհով մեկ սփռված առանցքային գործարար գործընկերների հետ»,- հավելեց նախարարի տեղակալը: Etihad Airways-ը ստեղծվել է 2003-ի հուլիսին և 10 տարում փոխադրել 11,5 մլն ուղևոր: Ավիաընկերությունն աշխարհի լավագույն տասնյակում է ըստ Skytrax Best Airline-ի, այն մոտ 40 միջազգային պարգև ունի: 2009-2010-ին Etihad Airways-ը ստացել է ամենահեղինակավոր World Travel Awards մրցանակը՝ ճանաչվելով աշխարհի լավագույն ավիաընկերություն: Etihad Airways-ի երթուղային ցանցն առաջարկում է թռիչքներ Մերձավոր Արևելք, Աֆրիկա, Եվրոպա, Ասիա, Ավստրալիա, ինչպես նաև Հարավային և Հյուսիսային Ամերիկա: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |