Հաջորդ տարի ՀՀ-ն մի քանի միլիոն դոլար կստանա ԵՏՄ շրջանակում20 դեկտեմբերի 2014 - 10:54 AMT PanARMENIAN.Net - Հայաստանի բյուջեն եկող տարի կհամալրվի մի քանի միլիոն դոլարով: Մեր երկիրն այդ գումարը կստանա դրամաշնորհների, վարկերի ու դոտացիաների տեսքով: Այդ ամենը Եվրասիական տնտեսական միության (ԵՏՄ) շրջանակում, հայտնում է «ՄԻՌ 24»-ը: «Կարծես թե բոլորը կանխատեսում են ճգնաժամը, բայց, այնուամենայնիվ, այն միշտ անսպասելի է գալիս»: Այս անգամ էլ ճգնաժամը բավականին արագ ու անսպասելի զարգացավ: Ես կարևորում եմ այն հանգամանքը, որ միջազգային գործակցության շրջանակում այս օգնությունը կնպաստի նրան, որ առաջիկա տարիներին խուսափենք նման միտումներից ու կտրուկ տատանումներից»,-հայտարարել է Հայաստանում ՌԴ Առևտրային ներկայացուցչության ղեկավար Անդրեյ Բաբկոն ԵՏՄ անդամ երկրների համար նոր հեռանկարում միջազգային զարգացման նոր նախագծերին նվիրված սեմինարում, որը դեկտեմբերի 19-ին մեկնարկել է Երևանում: Սեմինարին մասնկացել են ՌԴ տնտեսական զարգացման նախարարության, «Ռոսսոտրուդնիչեստվո» դաշնային գործակալությունը, ինչպես նաև Հայաստանում ՄԱԿ զարգացման ծրագրի մասնագետները: Դեկտեմբերի 19-ին Բելառուսի Ազգային ժողովի Ներկայացուցիչների պալատը վավերացրեց ԵՏՄ-ին Հայաստանի միանալու մասին պայմանագիրը, հայտնում է ԲԵԼՏԱ գործակալությունը: Նույն օրը Ղազախստանի Սենատը ընդլայնված նիստում հավանություն տվեց «Եվրասիական տնտեսական միությանը Հայաստանի Հանրապետության անդամակցության մասին 2014 թ. մայիսի 29-ի պայմանագրի վավերացման մասին» օրինագծին: Դեկտեմբերի 17-ին ՌԴ Դաշնության խորհուրդը վավերացրեց ԵՏՄ-ին Հայաստանի միանալու մասին պայմանագիրը: Ըստ փաստաթղթի, Հայաստանը միանում է ԵՏՄ մասին պայմանագրին, ինչպես նաև մյուս միջազգային փաստաթղթերին, որոնք կնքվել են Մաքսային միության շրջանակում, հայտնում են ռուսական ԶԼՄ-ները: Դեկտեմբերի 10-ին Ռուսաստանի Պետդուման վավերացրեց Եվրասիական տնտեսական միությանը Հայաստանի Հանրապետության անդամակցության մասին պայմանագիրը: Նոյեմբերի 21-ին ՌԴ կառավարությունը հավանություն տվեց ԵՏՄ-ին Հայաստանի անդամակցությանը: ՀՀ Ազգային ժողովը դեկտեմբերի 4-ի նիստում վավերացրել է Հայաստանի՝ Եվրասիական տնտեսական միությանը միանալու մասին պայմանագիրը: Կողմ է քվեարկել 103 պատգամավոր, դեմ՝ 7, ևս 1-ը ձեռնպահ է մնացել: Խորհրդարանական խմբակցություններից դեմ էր միայն «Ժառանգությունը»: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին: Photo: Trud-ost.ru Հղումներ թեմայով. Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Ռուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասին Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը |