Բժիշկները փրկել են նորածնին՝ Հայաստանում աննախադեպ վիրահատություն կատարելով 3 նոյեմբերի 2015 - 16:33 AMT PanARMENIAN.Net - Երևանի «Սուրբ Աստվածամայր» բժշկական կենտրոնի բժիշկներին հաջողվել է փրկել նորածնի կյանքը` էնդոսկոպիկ եղանակով՝ առանց արյան և փոքր տրամաչափի բացվածքների ներքին օրգանները վիրահատելու շնորհիվ: Առողջապահության նախարարության տեղեկացմամբ, հոկտեմբերի 17-ին՝ ժամը 06:00-ին, Արթիկի բժշկական կենտրոնում առանց ծննդաբերական բարդությունների ծնված երեխայի մոտ շնչառական անբարարության նշաններ էին ի հայտ եկել: Ժամը 19:00-ի սահմաններում «Մուրացան» համալսարանական բժշկական կլինիկայի ռեանիմատոլոգի ուղեկցությամբ նորածինը տեղափոխվել էր նույն կլինիկայի նորածնային վերակենդանացման բաժանմունք և միացվել արհեստական շնչառության սարքին: Երեխայի կրծքավանդակի ռենտգեն հետազոտությամբ հայտնաբերվել էր բնածին ծանր զարգացման արատ` ստոծանու ճողվածք ձախից` շնչահեղձություն առաջացնող օղակումով: Ծնվելուց հետո դա արագ զարգացող ծանր շնչառական անբավարարության պատճառ էր դարձել` կյանքին սպառնացող վտանգով: Ախտորոշումից հետո նորածինն անմիջապես տեղափոխվել էր ԲԿ-ի վերակենդանացման բաժանմունք: Նույն օրը՝ ժամը 22:00-ին, փոքրիկը վիրահատվել էր: Նորածինը ենթարկվել է թորակոսկոպիայի՝ 3 մմ և 6 մմ տրամաչափի անցքերից հետազոտման: Հետվիրահատական շրջանը հարթ է ընթացել, հոկտեմբերի 26-ին երեխան բավարար վիճակում դուրս է գրվել հիվանդանոցից: Վիրահատությունը կատարել են կրծքային վիրաբուժության բաժանմունքի վարիչ Դավիթ Դալլաքյանը և մանկական վիրաբուժական բաժանմունքի վարիչ Արա Կարապետյանը: Հայաստանում ծայրահեղ ծանր վիճակում գտնվող նորածինի էնդոսկոպիկ եղանակով վիրահատություն տեղի էր ունենում առաջին անգամ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է |