ՆԱՏՕ-ի ներկայացուցիչ. ԼՂ-ում խաղաղապահների տեղակայումը հնարավոր է միայն քաղաքական կարգավորման պարագայում17 դեկտեմբերի 2015 - 10:45 AMT PanARMENIAN.Net - Լեռնային Ղարաբաղում խաղաղապահ զորքերի տեղակայումը հնարավոր է միայն հակամարտության քաղաքական կարգավորման պարագայում: Այս մասին ասել է Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայը՝ նշելով, որ քաղաքական կարգավորման նախադրյալներ այս պահին չկան: Հարցին, թե ռուս-թուրքական հարաբերությունների սրացման արդյունքում ինչպիսի՞ն է ՆԱՏՕ-ի դիրքորոշումը ԼՂ-ում խաղաղապահների հնարավոր տեղակայման վերաբերյալ՝ հաշվի առնելով այն հանգամանքը, որ Հայաստանը ՀԱՊԿ անդամ է, Ապաթուրայը պատասխանել է. «Վաղաժամ է քննարկել իրադարձությունների նման զարգացման հնարավորությունը, սցենարը: Մենք պետք է ձգտենք հասնել հարցի կարգավորմանը: Ես աջակցում եմ ԵԱՀԿ Մինսկի խմբի ջանքերի վերսկսումը, և 2016 թ.-ի արդյունքում ականատես կլինենք Հայաստանի և Ադրբեջանի միջև ավելի արդյունավետ երկխոսության», մեջբերում է Tert.am-ը: Անդրադառնալով ռուս-թուրքական հարաբերությունների սրացման ֆոնին ՆԱՏՕ-ի հետ գործակցող Հարավային Կովկասի պետությունների ճակատագրին, նա հավաստիացրել է, թե Թուրքիա-Ռուսաստան հարաբերությունները չեն ազդի այս տարածաշրջանի պետությունների հետ իրենց համագործակցության վրա: «Մենք ընդունում ենք, որ երեք պետությունից ամեն մեկն ընտրել է անվտանգության իր սեփական քաղաքականությունը, որը մենք հարգում ենք: ՆԱՏՕ-ի հետ գործընկերային հարաբերություններ զարգացնելու համար պարտադիր չէ ձգտել անդամակցության: Մեզ հետ գործընկերային հարաբերություններ կարող է ունենալ և՛ ՀԱՊԿ անդամ երկիրը, և՛ Եվրամիության, և՛ այլ միջազգային, տարածաշրջանային կառույցների անդամը: Այս առումով ՆԱՏՕ-ն ունի Հայաստանի և Վրաստանի կամ Վրաստանի և Ադրբեջանի հետ ավելի սերտ գործակցության հիմքեր: Ամեն դեպքում, մեր կողմից տարվող ցանկացած գործակցություն անհատական բնույթի է», - նշել է նա: Ապաթուրայը նշել է, որ Հայաստանի պարագայում իրենց հիմնական փաստաթուղթը IPAP-ն է (Անհատական գործընկերության գործողությունների ծրագիր), որը շուրջ երկու տարի է, ինչ գործում է: ՀՀ արտգործնախարար Էդվարդ Նալբանդյանը հոկտեմբերի 1-ին ելույթ է ունեցել «ԵԱՀԿ խաղաղությանն ուղղված գործողություններին» նվիրված նախարարական միջոցառմանը՝ հայտարարելով, որ խաղաղապահությունը ԼՂ կարգավորման հիմնարար տարրերից է: Ըստ Նալբանդյանի՝ քաղաքական լուծումները պետք է որոշեն և ուղղորդեն խաղաղապահ գործողությունների ձևաչափը և հնարավոր տեղակայումը: Բազմաթիվ առիթներով Մինսկի խմբի համանախագահների կողմից, այդ թվում` համանախագահ երկրների նախագահների մակարդակով, հայտարարվել է, որ անվտանգության միջազգային երաշխիքները՝ ներառյալ խաղաղապահ գործողությունները, ղարաբաղյան հիմնահարցի կարգավորման հիմնարար տարրերից են: Դրա նպատակը՝ հակամարտության քաղաքական կարգավորման պարագայում զինված ուժերի բաժանումն է և խաղաղության պահպանումը: ԱԳ նախարարի խոսքով՝ ոչ մի այլ մանդատ կամ բաղադրիչ, ներառյալ` ոստիկանական գործունեություն, այս դեպքում նախատեսված չէ: Սեպտեմբերի 30-ին Հայաստանի ԶՈւ Գլխավոր շտաբի պետ, գեներալ-գնդապետ Յուրի Խաչատուրովը հայտարարել է, որ Ղարաբաղյան հակամարտության գոտում խաղաղապահ ուժեր մտցնելու անհրաժեշտություն այս պահին չկա։ «Մենք ինքներս էլ կարող ենք զսպել սադրանքները, որոնց ամեն օր դիմում է Ադրբեջանը», - ասել է նա: Ավելի վաղ ԵԱՀԿ Մինսկի խմբի ամերիկացի համանախագահ Ջեյմս Ուորլիքը խոսել էր Լեռնային Ղարաբաղում խաղաղապահների տեղակայման հնարավորության վերաբերյալ: Նա հայրարարել է, թե ԱՄՆ դիրքորոշումն այն է, որ համանախագահ և հարևան երկրները չպետք է ներգրավվեն միջազգային խաղաղապահ ուժերի կազմում: «Մեր պատկերացմամբ կողմերը համակարծիք են այս հացում, և թեման արդեն իսկ քննարկվել է», - ասել է նա: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |