Իտալիայում ՀՀ դեսպանը՝ Libero-ին. Ադրբեջանի վայրագությունները ԼՂ-ում բնորոշ են ԻՊ-ին21 ապրիլի 2016 - 14:58 AMT PanARMENIAN.Net - Ադրբեջանի վայրագություններն Արցախում բնորոշ են «Իսլամական պետություն» ահաբեկչական կազմակերպության գործելաոճին: Այս մասին իտալական Libero պարբերականի հետ զրույցում ասել է Իտալիայում Հայաստանի դեսպան Սարգիս Ղազարյանը։ «Կան հիմնավոր փաստեր, որ ադրբեջանական բանակին աջակցում էին տասնյակ վարձկաններ: Որոշ աղբյուրներ հայտնում են Ռաքքայից տեղափոխված ISIS(ԻՊ)-ի ահաբեկիչների մասին: Դրանք դեռ հիմնավոր փաստեր չեն սակայն: Կատարված վայրագությունները բնորոշ են Isis-ի գործելաոճին: Թալիշ գյուղում սպանվել են քաղաքացիական բնակիչներ, ինքներդ նայեք այս լուսանկարներին…»,- հոդվածագիր Լեոնարդո Պիչինին մեջբերում է դեսպանի խոսքը և նշում, որ 37-ամյա Հայաստանի դեսպան Սարգիս Ղազարյանը շատ բառեր չի օգտագործում Լեռնային Ղարաբաղում իրավիճակը նկարագրելու համար, այլ ցուցադրում է «Կալաշնիկովով» գնդակահարված ծերերի, ինչպես նաև ադրբեջանական բանակում կռվող վարձկանների կողմից գլխատված և խոշտանգված հայ զինվորների նկարները: Հոդվածագիրն ընդգծում է, որ իր երկրի սահմաններում տիրող լուրջ իրավիճակը նկարագրելիս դեսպանը խոսում է շատ կիրթ իտալերենով, գրում է Tert.am-ը: «Նույնիսկ 90-ականների չորս տարի տևած պատերազմի ժամանակ Ադրբեջանի կառավարությունը տարբեր երկրներից մեծաքանակ մուսուլման վարձկաններ էր օգտագործում: Առավել ապշեցուցիչ էր Հեքմաթիյարի խմբավորումից երեք հազար աֆղան գրոհայինների առկայությունը, Բասաևի չեչեններից բացի: Եվ այսօր Ադրբեջանը իրական պատերազմ է վարում վերաբռնակցելու Լեռնային Ղարաբաղը, որը դե ֆակտո անկախ է 1991-ից և որտեղ բնակչության 95% հայեր են, կռվելու համար օգտագործում է ոչ միայն մուսուլման վարձկաններ, այլ նաև Իսլամական Կոնֆերանսի Կազմակերպության կողմից հրապարակած ֆաթվաներ: Եվ այս ամենը Էրդողանի թուրքական կառավարության աջակցությամբ: Դեռ ավելին, արդեն 20 տարի է, ինչ ադրբեջանցիները նպաստում են Իսլամական Կոնֆերանսի Կազմակերպության կողմից ֆաթվաների ընդունմանը, որոնք ուղված են կովկասյան տարածաշրջանում միակ քրիստոնյա երկրի և մեր ժողովրդի դեմ»,-նշել է դեսպանը: Նրա խոսքով, այս գործողությունները բռնապետության հետևանք են, ադրբեջանական բռնապետության, որը, չնայած հեղինակության վերականգնմանն ուղված ծախսատար արշավների, առավել հեղինակավոր միջազգային կազմակերպությունների կողմից մեղադրվում է իր քաղաքացիների հիմնարար իրավունքների պարբերաբար խախտումների մեջ: Ժամանակագրական կարգով վերջինը Եվրոպական խորհրդարանի բանաձևն է, որը կոչ է անում ԵՄ-ին պատժամիջոցներ կիրառել ադրբեջանական ռեժիմի դեմ: Ղազարյանը շեշտել է, որ հայկական կողմը ձգտում է միջազգային կառույցների կողմից ադրբեջանական վայրագությունների դատապարտմանը, իսկ ինչ վերաբերում է Լեռնային Ղարաբաղում հակամարտության կարգավորմանը, մենք չենք տեսնում դիվանագիտական գործիքի այլընտրանք: Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում տեղի ունեցած մարտերում հայկական կողմն ունի 78 մարտական կորուստ, սպանվել է 4 խաղաղ բնակիչ: 122 զինծառայող վիրավորվել է: ԱԳ փոխնախարարը՝ իտալական Rai News 24-ին. Բանակցություններին ԼՂ ներկայությանն այլընտրանք չկա Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |