ԼՂ ԱԺ նախագահ. Տարածքները հանձնելու մասին խոսակցություններն արհեստական են և շինծու 2 սեպտեմբերի 2016 - 13:52 AMT PanARMENIAN.Net - Ղարաբաղյան կարգավորման հարցում շատ ակտիվ բանակցային գործընթաց այս պահին չկա: Այդ մասին ասել է ԼՂՀ ԱԺ նախագահ Աշոտ Ղուլյանը՝ հավելելով, որ կարծես թե ապրիլյան պատերազմից հետո այն մի պահ ակտիվացել է, բայց դա կապված է եղել իրադրության կայունացման հետ, գրում է «Ազատություն» ռադիոկայանը: «Այս պահին ընթանում են որոշակի խորհրդատվություններ, և կարծում եմ, որ կողմերը ճշտում են իրենց դիրքորոշումները, ընդհանուր առմամբ, կարծես թե, քաղաքական իրավիճակը, բայց վստահ եմ՝ դա միայն ղարաբաղյան խնդրի հետ չի կապված», - ասել է Ղուլյանը: Ղարաբաղի խորհրդարանի նախագահը շինծու է որակել «հող՝ կարգավիճակի դիմաց» թեմայով խոսակցությունները․ «Այդ խոսակցությունները միշտ էլ եղել են: Կարծում եմ, որ այս պահին այդ խոսակցությունները շինծու են, արհեստական են, նետված են, որպեսզի հասարակությունը պարզապես տատանումների մեջ լինի, և կարծում եմ, որ այս իմաստով Արցախի ժողովուրդը տրամադրված է, շատ ամուր կանգնած է իր հողի վրա և շարունակելու է իր պետականությունը կառուցել»: Դիտարկմանը՝ կարող ենք ասել, որ այդ տարբերակը ընդունելի չէ Ղարաբաղի իշխանությունների համար, Աշոտ Ղուլյանն արձագանքել է․ -«Դա ժողովրդի որոշելիքն է, չեմ կարծում, որ այստեղ որևէ մեկը ինչ-որ բան կարող է որոշել առանձին»: ՀՀ նախագահ Սերժ Սարգսյանը օգոստոսի 1-ին հասարակության տարբեր շերտերի ներկայացուցիչների հետ հանդիպմանն անդրադառձել է ԼՂՀ հիմնախնդրին՝ նշելով, որ Լեռնային Ղարաբաղի խնդրի կարգավորման ճանապարհին միակողմանի զիջումներ չեն լինելու: «Բացառվում է: Լեռնային Ղարաբաղը երբեք չի լինելու Ադրբեջանի կազմում: Բացառվում է: Մեկ անգամ ևս կրկնում եմ՝ բացառվում է», - ասել է նախագահը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |