  ՀԱԷԿ-ը կաշխատի նոյեմբերի 26-ից 12 հոկտեմբերի 2016 - 16:55 AMT PanARMENIAN.Net - Մեծամորի ԱԷԿ-ը աշխատանքը կսկսի նոյեմբերի 26-ից: Այդ մասին լրագրողներին է հայտնել կայանի գլխավոր տնօրեն Մովսես Վարդանյանը Երևանում ԱՊՀ անդամ երկրների՝ ատոմային էներգիայի խաղաղ նպատակներով օգտագործման հանձնաժողովի հերթական` 17-րդ նիստի բացման ժամանակ, հայտնում է «Sputnik Արմենիան»։ «Ենթադրվում է, որ 67 օր ԱԷԿ-ի վերանորոգման գործընթացը կշարունակվի` մինչև նոյեմբերի 25-ը` ժամը 24։00-ն։ Այս տարվա մեր ծրագրերում է ռեակտիվ սարքավորումների` միջուկի, վերևի բլոկի, շոգեգեներատորների և դրանց խողովակների 100% ստուգումները»,- ասել է Վարդանյանը։ Նրա խոսքով` ԱԷԿ-ը կստուգվի 100%-ով։ Երկարացման ծրագրի համաձայն` կարգավորող մարմնին ընթացքում կներկայացվեն մինչև 2017 թվականի մայիս կայանի աշխատանքի հիմքերը։ Նախատեսվում է, որ 2017 թվականի գարնանը կերկարացվեն Մեծամորի ԱԷԿ-ի շահագործման ժամկետները ևս 10 տարով` մինչև 2026 թվականը։ 2014 թվականի մարտին Հայաստանի կառավարությունը որոշում կայացրեց մինչև 2026 թվականը երկարացնել հայկական ԱԷԿ-ի շահագործման ժամկետը` նոր միջուկային էներգաբլոկի կառուցման ձգձգման պատճառով։ ՀԱԷԿ-ի շահագործման ժամկետի երկարացումը կիրականացվի 270 մլն դոլարի ռուսական պետական արտահանման վարկի և 30 մլն դոլարի դրամաշնորհի հաշվին։ Մեծամոր քաղաքի մոտ գործող ատոմային էլեկտրակայանը միակն է տարածաշրջանում։ Ներկա պահին աշխատում է միայն երկրորդ բլոկը` 407,5 ՄՎտ հզորությամբ։ Հղումներ թեմայով.   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր G7-ի երկրները կոչ են արել Բաքվին կատարել հումանիտար իրավունքի իր պարտավորությունները  Նրանք նաև կոչ են արել Երևանին և Բաքվին հավատարիմ մնալ խաղաղ գործընթացինftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասինԼավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը»Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |
