// IP Marketing video - START// IP Marketing video - END

ԵՄ հետ նոր շրջանակային համաձայնագիրը կստորագրվի 2017-ին

ԵՄ հետ նոր շրջանակային համաձայնագիրը կստորագրվի 2017-ին

PanARMENIAN.Net - Հայաստանի և ԵՄ միջև նոր շրջանակային համաձայնագիրը կկնքվի 2017-ին: Այդ մասին խորհրդարանում բուջեի քննարկման ժամանակ հայտարարել է ՀՀ ԱԳ փոխնախարար Կարեն Նազարյանը:

«Հուսով եմ, որ համաձայնագիրը կստորագրվի մոտ ապագայում: Այդ թեմայով հաջորդ հանդիպումը նախատեսվում է դեկտեմբերին Բրյուսելում: Հիշեցնեմ, որ դա կլինի արդեն 6 հանդիպումը»,-ասել է Նազարյանը, հայտնում է «Նովոստի Արմենիան»:

Ըստ նրա, Հայաստանը առաջնային է համարում համագործակցությունը Եվրամիության հետ:

Հոկտեմբերի 25-ին Երևանում կայացել է Հայաստանի Հանրապետության և Եվրոպական միության միջև նոր շրջանակային համաձայնագրի շուրջ բանակցությունների հինգերորդ փուլը:

ՀՀ վարչապետ Կարեն Կարապետյանը հայտարարել էր, որ ՀՀ կառավարությունը պատրաստ է ընդլայնելու ԵՄ-ի հետ համագործակցության շրջանակը՝ բիզնես միջավայրի բարելավման, ներդրումների ներգրավման, եվրոպական կառավարման մշակույթի ներդրման և այլ ուղղություններով:

2015-ի հոկտեմբերի 13-ին Եվրամիության 28 անդամ պետությունները Լյուքսեմբուրգում մանդատ են տրամադրել Հայաստանի և ԵՄ-ի միջև նոր համաձայնագիր ստորագրելու շուրջ բանակցությունների մեկնարկի համար: Նոր համաձայնագիրը կփոխարինի ներկայումս գործող Հայաստան-ԵՄ Գործընկերության և գործակցության համաձայնագրին:

 Ուշագրավ
2017-ի նույն ժամանակահատվածի համեմատ ցուցանիշը նվազել է
Շուշիում նախատեսում է նաև ունենալ ժամանակակից հանգստի գոտի
Մոգերինին հեռախոսազրույց է ունեցել Նիկոլ Փաշինյանի հետ և շնորհավորել Հայաստանի վարչապետ ընտրվելու կապակցությամբ