  Ռոուհանին ԼՂ հարցը կքննարկի Պուտինի հետ Մոսկվա այցի ժամանակ 7 փետրվարի 2017 - 14:01 AMT PanARMENIAN.Net - Իրանի նախագահ Հասան Ռոուհանին մտադիր է այցելել Մոսկվա, որի ընթացքում ՌԴ նախագահ Վլադիմիր Պուտինի հետ հանդիպմանը կքննարկի նաև ղարաբաղյան հակամարտության կարգավորման հարցը: Այդ մասին հայտարարել է Իրանում ՌԴ դեսպան Լևան Ճաղարյանը, հայտնում է ՌԻԱ Նովոստին: «Ռոուհանիի այցը նախատեսվում է մարտի վերջին: ՌԴ ղեկավարության հետ հանդիպմանը կքննարկվեն երկկողմ հարաբերությունների առանցքային հարցերը, հարաբերությունները քաղաքական և առևտրատնտեսական ոլորտներում: Բացի այդ, անկասկած, ուշադրության կենտրոնում կլինի փոխգործակցությունը տարածաշրջանային քաղաքականության օրակարգի առավել սուր հարցերը, ինչպիսիք են, օրինակ, իրավիճակն Աֆղանստանում, Կասպից ծովի թեման, ղարաբաղյան հակամարտությունը»,-ասել է դեսպանը: Ըստ նրա, այցի շրջանակում մի շարք փաստաթղթեր կստորագրվեն: Ղարաբաղյան հակամարտությունը ռազմական լուծում չունի: Այդ մասին Երևանում հայտարարել է Իրանի նախագահ Հասան Ռոուհանին՝ 2016-ի դեկտեմբերի 21-ին Հայաստանի նախագահ Սերժ Սարգսյանի հետ բանակցություններից հետո: «Իրանի համար Հայաստանն ու Ադրբեջանը բարեկամական երկրներ են, և մենք հույս ունենք, որ տարածաշրջանում խաղաղության և կայունության հաստատման ականատեսները կդառնանք։ Դա բխում է նաև տարածաշրջանի շահերից։ Այդ խնդիրը ռազմական լուծում չունի: Մենք ուզում ենք լուծումը տեսնել խաղաղ ճանապարհով», - հայտարարել էր Հասան Ռոուհանին։  Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
