  Դարոն Մալաքյանն ափսոսանք է հայտնել մարդասպան Մենսոնի մահվան կապակցությամբ 21 նոյեմբերի 2017 - 11:56 AMT PanARMENIAN.Net - System of A Down-ի կիթառահար Դարոն Մալաքյանը սկանդալի կիզակետում է հայտնվել՝ հրապարակավ իր ափսոսանքը հայտնելով սերիական մարդասպան Չարլզ Մենսոնի մահվան կապակցությամբ։ «Շատ տխրեցի՝ իմանալով Մենսոնի մահվան մասին։ Երբ աշխատում էի Toxicity սկավառակի վրա, նրա հարցազրույցներն ու երաժշտությունը մեծ ազդեցություն թողեցին ինձ վրա։ Ես վերնագրեցի ATWA երգն ի պատիվ իր բնապահպանական կազմակերպության։ Իմ հետաքրքրությունն էր՝ ինչպես է նա արտահայտում իր մտքերը, ոչ թե իր գործած սպանությունները», - գրել է նա Facebook-ում։ Ավելի ուշ նա փորձել է պարզաբանել իր տեսակետը։ «Թույլ տվեք փորձեմ բացարտել նրանց համար, ովքեր չհասկացան․ ես չեմ պաշտպանում մարդասպան Մենսոնին, ես պաշտպանում եմ նրա արվեստը, սոցիալական ու բնապահպանական հայացքները։ Երբեմն տաղանդավոր մարդիկ գործում են հանցանքներ», - ավելացրել է նա։ «Նրանց համար, ովքեր ասում են՝ կզգայի՞ արդյոք նույնը, եթե նա իմ ընտանիքն ու հղի կնոջը սպաներ, մի օրինակ բերեմ։ Իմ ընտանիքը փրկվել է Հայոց ցեղասպանությունից, երբ թուրքական կառավարությունն ու զինվորները կոտորեցին միլիոնավոր հայերի։ Բայց ես սիրում եմ թուրքական երաժշտությունն ու արվեստը և ունեմ թուրք ընկերներ, ում պապերը միգուցե զինվոր էին եղել ցեղասպանության ժամանակ» Սերիական մարդասպան Չարլզ Մենսոնը դատապարտված էր 9 մարդու սպանության համար։ Նրանցից ամենահայտնին 1969 թվականին Կալիֆորնիայում 4 հոգու, այդ թվում՝ ռեժիսոր Ռոման Պոլանսկու կին Շերոն Թեյթի սպանությունն է։ Թեյթը սպանության պահին 26 տարեկան էր ու գտնվում էր հղիության 8-րդ ամսում։ Հղումներ թեմայով.   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Բաժիններ թեմայով Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
