// IP Marketing video - START// IP Marketing video - END

Թիլերսոն. ԼՂ կարգավորման հարցում ԱՄՆ-ն սատարում է ԵԱՀԿ ՄԽ ջանքերին

Թիլերսոն. ԼՂ կարգավորման հարցում ԱՄՆ-ն սատարում է ԵԱՀԿ ՄԽ ջանքերին

PanARMENIAN.Net - Վաշինգտոնը սատարում է ղարաբաղյան հակամարտության խաղաղ կարգավորմանն ուղղված ԵԱՀԿ Մինսկի խմբի ջանքերին: Այդ մասին հայտարարել է ԱՄՆ պետքարտուղար Ռեքս Թիլերսոնը:

«ԱՄՆ-ն սատարում է ԵԱՀԿ ՄԽ ջանքերին՝ ուղղված ԼՂ հակամարտության խաղաղ կարգավորմանը: Սուբստանտիվ առաջընթացի կարելի է հասնել քաղաքական կամքի առկայության դեպքում»,-հայտարարել է Թիլերսոնը Վիեննայում՝ ԵԱՀԿ անդամ երկրների ԱԳ նախարարների խորհրդի ամենամյա նիստում:

«Մենք ողջունում ենք ՀՀ և Ադրբեջանի ԱԳ նախարարների և ԵԱՀԿ ՄԽ համանախագահների հանդիպման արդյունքում ձեռք բերված որոշումը այդ ուղղությամբ գործընթացներն արագացնելու վերաբերյալ»,-ասել է նա, հայտնում է Ինտերֆաքս-Ադրբեջանը:

Թիլերսոնը գոհունակություն է հայտնել այն առնչությամբ, որ ՀՀ և Ադրբեջանի նախագահներ Սերժ Սարգսյանն ու Իլհամ Ալիևը պարտավորություններ են ստանձնել՝ ուղղված բանակցությունների ինտենսիֆիկացմանը և շփման գծում լարվածության նվազեցմանը:

ԱԳ նախարար Էդվարդ Նալբանդյանը ԵԱՀԿ մասնակից երկրների արտաքին գործերի նախարարների խորհրդի 24-րդ հանդիպման,՝ անդրադառնալով այն հարցին, թե ինչու մինչ օրս հնարավոր չի եղել առաջընթաց արձանագրել ղարաբաղյան հակամարտության կարգավորման խաղաղ բանակցային գործընթացում, ասել է, որԱդրբեջանի անզիջողական դիրքորոշումը լուրջ խոչընդոտ է խաղաղ գործընթացի առաջմղման համար և մեծապես նպաստում է ստատուս քվոյի պահպանմանը:

 Ուշագրավ
Նախագահն ասել է, որ ՀՀ–ԵՄ համաձայնագիրն արտացոլում է երկկողմ փոխգործակցության վերջին շրջանի նշանակալի զարգացումները:
Միջազգային կինոփառատոնի գործադիր տնօրենն ու գլխավոր ռեժիսորը Կետիկյանի նոր ֆիլմը համարում է լավագույններից մեկը
Ինդիանան դարձել է ցեղասպանությունը ճանաչած 48-րդ ամերիկյան նահանգը:
Ըստ պարբերականի՝ Հայաստանում մոտ 80 արջ է պահվում ռեստորաններում, խանութներում, բենզալցակայաններում և այլ օբյեկտներում