ՀՀ-ով Իրանից Վրաստան գազի արտահանումը մնում է օրակարգում 8 հունվարի 2018 - 13:35 AMT PanARMENIAN.Net - Հայաստանի տարածքով Իրանից Վրաստան բնական գազի մատակարարման պայմանագրի կնքումը շարունակում է մնալ օրակարգում: Իրանական IRNA պետական գործակալության փոխանցմամբ, այս մասին հայտնել է Իրանի նավթի նախարարի գազի հարցերով տեղակալ Համիդրեզա Արաքին: Նա ասել է, որ Իրանի աշխարհագրական դիրքը թույլ է տալիս երկրին գազ արտահանել բազմաթիվ երկրներ՝ այդ թվում Վրաստան: «Այս երկիր գազի արտահանման համար անհրաժեշտ է համապատասխան ենթակառուցվածքների առկայություն, խելամիտ սակագների սահմանում, ինչպես նաև համաձայնություն Հայաստանի կառավարության հետ ՝ երկրի տարածքով գազը Վրաստան հասցնելու համար», - ասել է Արաքին: Նրա խոսքով, եթե Հայաստանն ու Իրանը գան համաձայնության, մասնավոր հատվածը կարող է գազ գնել Իրանից և սկսել դրա մատակարարումը դեպի Վրաստան: 2017 թվականին Հայաստանն ու Իրանը պայմանավորվածություն են ձեռք բերել ավելացնել «Էլեկտրաէներգիա բնական գազի դիմաց» ծրագրի շրջանակում ՀՀ ներմուծվող բնական գազի ծավալները: Ավելի վաղ Իրանական գազի արտահանման ընկերության տնօրեն Սաիդ Թավաքոլին ասել էր, որ Հայաստանից Իրան էլեկտրաէներգիայի մատակարարման համար երրորդ ցանցն է կառուցվում: Նոր էլեկտրական ցանցը շահագործման կհանձնվի 2019 թվականին: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |