// IP Marketing video - START// IP Marketing video - END

Հարցում. Հեղափոխությունից հետո ՀՀ-ում ապագայի նկատմամբ լավատեսության աննախադեպ բարձր մակարդակ է գրանցվել

Հարցում. Հեղափոխությունից  հետո ՀՀ-ում ապագայի նկատմամբ լավատեսության աննախադեպ բարձր մակարդակ է գրանցվել

PanARMENIAN.Net - Ամերիկյան «Միջազգային հանրապետական ինստիտուտ» (International Republican Institute) կազմակերպության իրականացրած հետազոտության համաձայն՝ Հայաստանում Թավշյա հեղափոխությունից հետո ապագայի նկատմամբ լավատեսության աննախադեպ բարձր մակարդակ է գրանցվել:

Կազմակերպության իրականացրած հարցմանը մասնակցածների 82%-ը մեծ հույսեր է կապում ՀՀ վարչապետ Նիկոլ Փաշինյանի կառավարության հետ, որից 39%-ը շատ դրական, իսկ 43%-ը մասամբ դրական է գնահատում նոր կառավարության գործունեությունը:

73%-ը կարծում է, որ Հայաստանը զարգացման ճիշտ ուղով է գնում, 81%-ը համոզված է կամ հուսով է, որ ապագան ավելի լավն է լինելու:

Հարցմանը մասնակցածների 36%-ը նախընտրում է տեսնել կտրուկ և արագ բարեփոխումներ, 34%-ն ակնկալում է, որ այդ բարեփոխումները լինեն ավելի շուտ աստիճանական, իսկ 24%-ը կարծում է՝ բարեփոխումները պետք է անել աստիճանաբար:

81%-ը կարծում է, որ երկրում կոռուպցիան նահանջել է, 15%-ի համար իրավիճակն անփոփոխ է մնացել, իսկ 2%-ի համար իրավիճակը վատթարացել է:

Հարցմանը մասնակցել է Հայաստանում մշտական բնակություն ունեցող 1200 չափահաս մարդ: Հետազոտությունը ֆինանսավորվել է ԱՄՆ պետդեպարտամետի Միջազգային զարգացման գործակալության կողմից:

Ընթերցեք նաև՝ «Հեղափոխությունից հետո ՀՀ-ում ավելի շատ ձեռնարկություններ են գրանցվում»:

 Ուշագրավ
Շնորհավորում եմ իմ ընկեր Փաշինյանին և նրա թիմակիցներին, որոնք հրաշալի հաղթանակ տարան բռնակալներով լի այս աշխարհում
70.43%-ով հաղթել է «Իմ քայլը» դաշինքը՝ Նիկոլ Փաշինյանի գլխավորությամբ
Նա ասել է՝ Փաշինյանի կառավարությունը, անցած մի քանի ամիսների ընթացքում մշտապես սրտացավ մոտեցում է ցուցաբերել Արցախին առնչվող բոլոր հարցերին
ԳՄ նիստին մասնակցել է նաև ՀՀ 3-րդ նախագահ Սերժ Սարգսյանը, սակայն, ինչպես հայտնեց նախկին ՊՆ նախարարը, նա չի մասնակցի առաջիկա ընտրություններին