// IP Marketing video - START// IP Marketing video - END

«Գալաքսի» ընկերությունների խումբն ամփոփել է տարին` թվերով

«Գալաքսի» ընկերությունների խումբն ամփոփել է տարին` թվերով

PanARMENIAN.Net - «Գալաքսի» ընկերությունների խմբում 2018 թվականը նշանավորվել է որպես նոր նախագծերի իրականացման, թիմերի ընդլայնման և սոցիալական պատասխանատվության ծրագրերի կյանքի կոչման տարի։

1999 թվականից գործող ընկերությունների խումբն ամփոփել է 2018թ. արդյունքները դրական ցուցանիշով՝ որպես պատասխանատու բիզնես Հայաստանի Հանրապետությանը փոխանցելով ավելի քան 13 մլրդ դրամ (ավելի քան $27 մլն) հարկային վճարումների տեսքով։

«Երկրի շարժիչ ուժը առողջ գործարար միջավայրն է, ու մեզ համար առանցքային նշանակություն ունի պրոֆեսիոնալիզմն ու բարձր որակական պատրաստվածությունը բոլոր այն ոլորտներում, որտեղ ներկայացված ենք։ Մեզ համար հավասարապես կարևոր է նաև սոցիալական պատասխանատվությունը մեր մասնագիտական համայնքի ու երկրի առջև, ոլորտային ինովացիաների ու սոցիալական ծրագրերի միջոցով մարդկանց կյանքի որակի բարելավումը։ Շնորհակալ եմ մեր թիմակիցներին, մեր տեղական ու միջազգային գործընկերներին, մեր երկրին ու հանրությանը «Գալաքսի» ընկերությունների խմբի այս տարվա ծրագրերում առանցքային մասնակցության համար»,-նշել է «Գալաքսի կոնցեռնի» գլխավոր տնօրեն Արամ Խաչատրյանը։

«Գալաքսի» խումբը միավորում է 15 ընկերություն՝ ավելի քան 3000 աշխատակցով։ 2018թ. դեկտեմբերի տվյալներով ընկերությունների խմբում միջին ամսական աշխատավարձը 315,000 դրամ է, իսկ որոշումների կայացման պաշտոններում կանայք կազմում են 42%-ը, ինչ բացառիկ ցուցանիշ է ոչ միայն Հայաստանի, այլև եվրոպական ու ամերիկյան խոշոր կորպորացիաների համար։ «Գալաքսի» ընկերությունների խումբը Հայաստանում ներկայացված է ՏՏ և հեռահաղորդակցության, վաճառքների և սպասարկման, անշարժ գույքի և շինարարության ոլորտներում։

«Այս տարի Ucom-ը հայտարարել էր թվային փոխակերպման մասին. մենք այլևս սովորական հեռահաղորդակցության օպերատոր չենք, այլ թվային ծառայություններ ստեղծող ու մատուցող ընկերություն։ Այդ առումով, 2018-ին հանդես ենք եկել մի շարք նորարարական առաջարկներով, որոնք հիմք են հանդիսանում Ucom-ի SaaS՝ ծրագիրը որպես ծառայություն մատուցելու ուղղության։ Շարունակել ենք աջակցել Արմաթ լաբորատորիաների միջոցով ինժեներական մտքի զարգացմանը նպաստող կարևորագույն նախագծերին և մրցույթներին։ Արդյունքում Հայաստանը ներկայացնող պատանի ինժեներները հնարավորություն ստացան մրցելու Մեխիկոյում 180 երկրից ժամանած թիմերի հետ», - նշել է Գալաքսի» խումբում հանդես եկող «Յուքոմ» ընկերության համահիմնադիր և գլխավոր տնօրեն Հայկ Եսայանը։

«Կարծում եմ, որ 2018 թվականը իսկապես հաջողված և արդյունավետ տարի էր, քանի որ մենք ունեցանք մեր ամենակարևոր նվաճումներից մեկը՝ IUNetworks-ը դուրս եկավ միջազգային հարթակ: Ի պատիվ հայկական ՏՏ ոլորտի՝ մեր ընկերության առաջարկած նորարարական լուծումները հաղթող ճանաչվեցին Տաջիկիստանի և Ղրղզստանի պետական ծառայությունների էլեկտրոնային կառավարման անցումն ապահովող ծրագրի միջազգային մրցույթներում, ինչի համար ես իմ խորին երախտագիտությունն եմ հայտնում մեր թիմին հսկայական և նվիրական աշխատանքի համար»,-ասել է «Գալաքսի» խումբում հանդես եկող «ԱյՅու Նեթվորքս» ընկերության գլխավոր տնօրեն Վահրամ Մերանգուլյանը։

«2018 թվականը իհարկե լի էր մարտահրավերներով և դժվարություններով, սակայն Yerevan mall-ը կարողացավ պահպանել իր որդեգրած ուղին՝ դառնալ քաղաքացիների սիրելի ժամանցային վայրերից մեկը՝ ապահովելով բարձրակարգ և էքսկլյուզիվ ծառայություններ։ Անցնող տարվա ընթացքում Yerevan mall-ը գործարկեց նաև իր նոր առևտրաժամանցային հատվածը՝ Yerevan Gallery-ն, որը տարբերվում է իր ինքանտիպ ճարտարապետությամբ և դիզայնով»,-նշել է «Գալաքսի» խումբում հանդես եկող «Երևան մոլ» առևտրի և ժամանցի համալիրի գլխավոր տնօրեն Վազրիկ Սեկոյանը։

«Գալաքսի» ընկերությունների խումբը ի դեմս կառավարման խորհրդի անդամների և խմբի կազմում հանդես եկող ընկերությունների 2018-ին ևս իրականացրել են սոցիալական պատասխանատվության ծրագրեր՝ շարունակելով զինել ՀՀ և պաշտպանության բանակի շփման գիծը պաշտպանական համակարգերի տեղադրմամբ, աջակցելով ինժեներական, ծրագրավորման և ռոբոտաշինական կրթական ծրագրերին, ստեղծարար ու մշակութային մեկ տասնյակ ծրագրերի իրականացմանը առանցքային մասնակցություն ցուցաբերելով։ «Գալաքսի» ընկերություններիխմբի կառավարման խորհուրդը՝ Գուրգեն Խաչատրյանի և Արտյոմ Խաչատրյանի նախագահությամբ, 2019-ի համար հայտարարում է խոշորագույն ու հանրային նշանակության ծրագրի մեկնարկի մասին, որի մանրամասները հանրային քննարկման կներկայացվի շուտով։

 Ուշագրավ
Մասնավորապես հակակարկտային ցանցերի մասով կառավարությունը փորձում է խրախուսել դրանց կիրառումը
Ընկերությունը մտադիր է առաջիկայում ռուբլով հաշվարկի անցնել ԵՏՄբոլոր երկրների հետ
Առաջարկում են նվազագույն աշխատավարձը 55,000 դրամից դարձնել 65,000 դրամ
Պարտքը մարտի դրությամբ կազմել է 5.488 մլրդ