 ՌԴ-ում ՀՀ դեսպան. Վրդովված ենք ռուս պատգամավորների մասնակցությամբ Բաքվում հակահայկական երթին 27 փետրվարի 2019 - 17:06 AMT PanARMENIAN.Net - ՌԴ-ում ՀՀ դեսպան Վարդան Տողանյանը հայկական կողմի վրդովմունքն է հայտնել «Էխո Մոսկվիին» տված հարցազրույցում՝ մեկնաբանելով որոշ ռուս պատգամավորների մասնակցությունը Բաքվում կայացած հակահայկական երթին: Փետրվարի 26-ին Բաքվում երթ է տեղի ունեցել՝ նվիրված «Խոջալուի ողբերգության տարելիցին», որը բացահայտ հակահայկական բնույթ է կրել:Մասնակցել են ռուսաստանցի դեպուտատներ Օքսանա Պուշկինան, Դմիտրի Սավելևը, Ալեքսեյ Ժուռավլևը, Միխայիլ Եմելյանովը,Իրինա Ռոդնինան, որը նաև հայ-ռուսական միջխորհրդարանական հանձնաժողոի անդամ է: «Մենք վրդովված ենք ռուս խորհրդարանականների մասնակցությամբ Բաքվում կայացած երթին, որը բացահայտ հակահայկական բնույթ է կրել և օգտագործվել է խարխլելու համար վստահությունը տարածաշրջանում: Մեզ ամենևին հասկանալի չեն խորհրդարանականների շարժառիթները՝ ինչի հետ են նրանք համերաշխություն հայտնում Բաքվում և ինչ «առաքելությամբ» են մասնակցում նման ակցիաներին, որոնք առանձին վերցրած պետության քարոզչական արշավի մաս են կազմում»,-ասել է դեսպանը: Նա հավելել է, որ ինչպես նախկինում, այսօր էլ հայկական կողմը միտված է բարեկամական կամուրջներ հաստատելուն, անկեղծ ու դաշնակցային հարաբերություններին: «Հուսով ենք, որ մեր ռուսաստանցի գործընկերները համապատասխան գնահատական կտան խորհրդարանականների մասնակցությանը լավ կազմակերպված հակահայկական շարժմանը, որի նպատակը անվստահություն ու թերընկալում սերմանելն է»,-ասել է դեսպանը: ՀՀ ԱԺ նախագահ Արարատ Միրզոյանը Ռուսաստանի Դաշնային ժողովի Դաշնության Խորհրդում ունեցած ելույթում ևս անդրադարձել է Բաքվում տեղի ունեցած հակահայկական ակցիային ռուսաստացի որոշ պատգամավորների մասնակցությանը: «Մեր որոշ ռուս գործընկերներ տառացիորեն երեկ դարձել են ցայտուն հակահայկական ակցիայի մասնակիցները Բաքվում, որն ուղղված էր տարածաշրջանում խաղաղության և կայունության դեմ: Ավելին, արդարացի տարակուսանք է առաջացնում հայ-ռուսական միջխորհրդարանական հանձաժողովի անդամների մասնակցությունը վերահիշյալ միջոցառմանը»,-ասել է նա:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
