// IP Marketing video - START// IP Marketing video - END

Քոչարյանի գիրքը, պաշտպանն ու Իսագուլյանը հակասում են միմյանց. Ինչով էր նա զբաղված Մարտի 1-ին

Քոչարյանի գիրքը, պաշտպանն ու Իսագուլյանը հակասում են միմյանց. Ինչով էր նա զբաղված Մարտի 1-ին

PanARMENIAN.Net - Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի ազգային անվտանգության գծով նախկին խորհրդական Գառնիկ Իսագուլյանը «Երկիր Մեդիա» հեռուստաընկերության «Բախման կետ» հաղորդման ընթացքում ասել է, որ Քոչարյանը 2008 թվականի մարտի 1-ին «մարզահագուստով եկել էր նախագահական, քանի որ Ծաղկաձոր պետք է գնար»:

«Քոչարյանն այդ օրը սպորտային համազգեստով եկել էր նախագահական, քանի որ Ծաղկաձոր պետք է գնար», - ասել է Իսագուլյանը՝ շեշտելով, որ վերջինս նույնիսկ չէր էլ մտածում, որ այդ օրն ինչ-որ գործողություն է իրականացվելու:

Մինչդեռ Քոչարյանն իր «Կյանք և ազատություն» գրքի «Բախում» գլխում գրել է, որ մարտի 1-ի նախօրեին Ազատության հրապարակում գիշերող ցուցարաների վրանների զննության գործողության վերաբերյալ քննարկում է ունեցել Պետական պահպանության ծառայության պետ Գրիշա Սարկիսյանի հետ:

«Վրանների օպերացիան ոստիկությունը որոշել է իրականացնել մարտի 1-ի վաղ առավոտյան: Նախորդ օրվա երեկոյան ինձ մոտ ընդունելություն խնդրեց Պետական պահպանության ծառայության պետ Գրիշա Սարկիսյանը.... նա այդ օրն ակնհայտորեն շփոթված էր: Ոստիկանությունից տեղեկանալով օպերացիայի մասին՝ նա հարցրեց՝ ի՞նչ պետք է անի, եթե Տեր-Պետրոսյանը (Լևոն Տեր-Պետրոսյան՝ ՀՀ առաջին նախագահ) հանկարծ հրապարակում լինի: Օրենքով Գրիշայի պարտականությունների մեջ էր մտնում պաշտոնաթող նախագահի անվտանգության ապահովումը», - գրել է Քոչարյանն իր գրքում:

Իսկ Քոչարյանի պաշտպան Հայկ Ալումյանը հայտարարել է, որ Քոչարյանը 2008 թվականի մարտի 2-ի լուսադեմին է տեղեկացել մարտի 1-ի լույս 2-ի գիշերը կատարված իրադարձությունների մասին:

«Պարոն Քոչարյանին անգամ չի էլ մեղսագրվում, որ ինքն է բանակին նման հրահանգ տվել։ Երբ մարտի 2-ին աշխատանքի է եկել, նոր զեկուցել են, որ այդպիսի բան է տեղի ունեցել։ Պարոն Քոչարյանին պոստ ֆակտում են զեկուցել առավոտվա իրադարձությունների մասին», - նշել է Հայկ Ալումյանը։

Ընթերցեք նաև՝ «Քոչարյանի պաշտպանը, Բաբուխանյանը գրանտ են ստացել Սորոսի հիմնադրամից»:

 Ուշագրավ
Ադրբեջանը մարտի 11-15-ը անցկացնելու է խոշորագույն զորավարժություն, որի մասին չի ծանուցել հմպատասխան միջազգային մարմիններին
Փաշինյանն ասել է, որ ադրբեջանական կողմից հետ շփումները կրել են ոչ պաշտոնական բնույթ
Քննարկվել են հայ-ռուսական գործակցության զարգացման հարցեր