ՄԻՊ-ը վրաց գործընկերոջ հետ խոսել է Ախալքալաքի միջադեպից (վիդեո)

ՄԻՊ-ը վրաց գործընկերոջ հետ խոսել է Ախալքալաքի միջադեպից

PanARMENIAN.Net - ՀՀ մարդու իրավունքների պաշտպան Արման Թաթոյանը հեռախոսազրույց է ունեցել գործընկերոջ՝ Վրաստանի հանրային պաշտպան Նինո Լոմջարիայի հետ՝ Ախալքալաքում հայերի մասնակցությամբ տեղի ունեցած միջադեպի առնչությամբ:

Վրաստանի հանրային պաշտպանը տեղեկացրել է, որ միջադեպի հետ կապված հանգամանքներն առաջին իսկ պահից եղել են իր անմիջական ուշադրության ներքո։ Նա իր հատուկ ներկայացուցչին է ուղարկել Ոստիկանության բաժին, ապա հիվանդանոց։ Մեկ անձ գրեթե անմիջապես ազատ է արձակվել, մյուսը բուժում է ստանում հիվանդանոցում, որի պատճառով հնարավոր չի եղել առանձնազրույց ունենալ նրա հետ, հայտնում է ՀՀ մարդու իրավունքների պաշտպանի աշխատակազմի հանրային կապերի բաժինը:

Նինո Լոմջարիան նշել է նաև, որ կշարունակի ուշադրության ներքո պահել հարցը: «Որևէ խնդրի դեպքում մեր հայրենակիցները կարող են դիմել ինչպես Վրաստանի հանրային պաշտպանին, այնպես էլ մեզ՝ Հայաստանի մարդու իրավունքների պաշտպանին»,- նշված է հաղորդագրության մեջ:

Ավելի վաղ jnews.ge-ն մի միջադեպի տեսանյութ էր հրապարակել, որտեղ երևում է, թե ոստիկանները ինչպես են մի քաղաքացու բռնի ուժով հանում մեքենայից, իսկ քաշքշոցի ժամանակ ոստիկաններից մեկը հարվածում է նրան:

 Ուշագրավ
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը
Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի
Մանկապարտեզները վերաբացվելու են մայիսի 20-ից
2020-ի պետբյուջեով նախագծին արդեն տրամադրվել է 526 մլն դրամից ավելի