ԿԲ-ն 3 նոր հուշադրամ է թողարկել 5 մարտի 2020 - 16:14 AMT PanARMENIAN.Net - Կենտրոնական բանկը (ԿԲ) 3 նոր հուշադրամ է թողարկել: Հուշադրամներից մեկը նվիրված է 1893-ից Ամենայն հայոց կաթողիկոս Խրիմյան Հայրիկի 200-ամյակին: Արծաթե հուշադրամի դիմերեսին պատկերված է Խրիմյան թանգարան-պատկերասրահի շենքը, զարդանախշ` վարդյակ, հատված «Երկաթե շերեփ» հուշաղբյուրից (գործ` Արեգ Իսրայելյանի), Խրիմյան Հայրիկի պատգամը և ստորագրությունը: Դարձերեսին Խրիմյան Հայրիկի դիմապատկերն է: Էսքիզների հեղինակն է Էդուարդ Կուրղինյանը: Հուշադրամը հատվել է Լիտվայի դրամահատարանում, անվանական արժեքը 1000 դրամ է, այն պատրաստված է 925 հարգի արծաթից, քաշը 33,6 գ է: Տրամագիծը 40,0 է, թողարկվել է 500 նմուշ տպաքանակով, դրամաշուրթն ատամնավոր է, որակը՝ պրուֆ: Մյուս հուշադրամը նվիրված է ֆրանսահայ նկարիչ, ՀՀ ԳԱԱ արտասահմանցի անդամ Ժանսեմի (Հովհաննես Սեմերջյան, 1920-2013 թթ․) 100-ամյակին: Արծաթե հուշադրամի դիմերեսին պատկերված է հատված նկարչի «Կակաչներ» (1982 թ.) կտավից: Դարձերեսին Ժանսեմի դիմանկարն է և հատված նկարչի «Դեղին հագուստով կինը» (1968 թ.) կտավից: Էսքիզների հեղինակն է Լուսինե Լալայանը: Հուշադրամը հատվել է Լիտվայի դրամահատարանում: Անվանական արժեքը 100 դրամ է, այն պատրաստված է 925 հարգի արծաթից, քաշը 28,28 գ է, չափը՝ 28,0 x 40,0: Թողարկվել է 500 նմուշ տպաքանակով, դրամաշուրթը հարթ է, որակը՝ լավացված: Ժանսեմին նվիրված մեկ այլ՝ ոսկե հուշադրամի դիմերեսին դրվագ է նկարչի «Դիմակներով կինը» (1978 թ.) կտավից, դարձերեսին` նրա դիմապատկերը: Էսքիզների հեղինակն է Էդուարդ Կուրղինյան, հատվել է Լիտվայի դրամահատարանում: Հուշադրամի անվանական արժեքը 10,000 դրամ, հարգը՝ ոսկի 900, քաշը՝ 8,6 գ: Տպաքանակը 300 հատ է, դրամաշուրթը՝ ատամնավոր, որակը՝ պրուֆ: Հուշադրամները թանկարժեք մետաղներից պատրաստված դրամներ են: Ինչպես ցանկացած դրամ, հուշադրամներն ունեն անվանական արժեք, որը շատ ավելի ցածր է ինքնարժեքից՝ բաղկացած հուշադրամի պատրաստման համար օգտագործված թանկարժեք մետաղի արժեքից, արտադրության և այլ ծախսերից: Հուշադրամներն ունեն նաև ՀՀ կենտրոնական բանկի կողմից սահմանված վաճառքի գին: Հանդիսանալով հավաքորդական առարկա, դրանք թողարկվում են խիստ սահմանափակ քանակով և չեն վերաթողարկվում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Ռուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասին Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը |