Արցախի նախագահ․ Կոմպրոմիսային-քաղաքական զինադադարի հնարավորություն դեռ չենք տեսնում28 սեպտեմբերի 2020 - 22:36 AMT PanARMENIAN.Net - Պաշտպանության բանակը պետք է պատրաստ լինի շատ ավելի ծանր ու երկար մարտական գործողությունների, կոմպրոմիսային-քաղաքական զինադադարի հնարավորություններ դեռ չկան, հակառակորդն իր ամբողջ բանակի զինուժն օգտագործել է և շարունակում է օգտագործել, հայտարարել է Արցախի նախագահ Արայիկ Հարությունյանը։ Անդրադառնալով ՀՀ-ի կողմից Արցախի անկախությունը ճանաչելու մասին հարցին՝ Հարությունյանը նշել է, որ դա քաղաքական որոշում է, իսկ այս պահին անհրաժեշտ է նախ հաղթել պատերազմում։ «Հակառակորդը միայն հարավային թևում հարյուրավոր տեխնիկա է օգտագործել։ Մի պահ արդեն չէինք կարողանում հաշվել՝ ինչքան տեխնիկա էինք խփում։ Ընթանում են լայնածավալ մարտական գործողություններ, դիրքերով, կոնկրետ լոկալ հաջողություններով մենք մեծ հաջողություն չենք ապահովելու։ Մեր մատավարությունն այն է, որ հակառակորդի զինտեխնիկայի և մարդկային կորուստները հասցնենք՝ ինչպես 1992-1994 թվականներին։ Այլ տարբերակ չկա։ Դեռ քաղաքական-կոմպրոմիսային զինադադարի հնարավորություններ չենք տեսնում»,-ասել է Արցախի նախագահը։ Հարությունյանը հայտնել է, որ Արցախում ռազմական գործողություները շարունակվում են սեպտեմբերի 28-ի ուշ երեկոյի դրությամբ, դրանք ընթանում են Օմարից մինչև Արաքս, մարտերի հիմնական ուղղությունները Ջաբրայիլ, Ֆիզուլի, Թալիշ, Մատաղիս, Եղնիկներ հատվածներն են։ Սեպտեմբերի 28-ի կեսօրից հետո հակառակորդը լայնածավալ հարձակում է սկսվել նաև Մռավի ուղղությամբ, հաջողության չեն հասել։ Հարությունյանի խոսքով՝ Ադրբեջանը շատ երկար է պատրաստվել այս պատերազմին։ «Իրոք սա կենաց-մահու պատերազմ է և մենք այն հաղթելու ենք, համոզված եղեք։ Նման վարքագիծ ունեցող իշխանության հետ որևէ երկխոսություն հնարավոր չէ։ Դուք ամեն օր տեսնում եք Թուրքիայի լկտիությունը։ Մենք ամեն օր կռվում ենք, մարտնչում թուրք-ադրբեջանական համատեղ ուժերի դեմ և դա ընդհանուր ծրագիր է։ Խնդիրը միայն Արցախը չէ»,- ասել է նա։ Արցախի ղեկավարի խոսքով՝ տակտիկական առումով որևէ կարևոր դիրք չի գրավել ադրբեջանական կողմը, հայկական կողմը ևս շատ կարևոր դիրք կամ վնասազերծում չի ունեցել, բայց մեծ թվով զինտեխնիկա է վնասազերծել, ադրբեջանցիներն ունեն մարդկային կորուստներ։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 58 զոհ կա: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ Անհնազանդության ակցիաների 12 մասնակից է բերման ենթարկվել 8 մարդ ձերբակալվել է Երևանում, 4–ը՝ Վայոց ձորում |